{"id":118,"date":"2004-12-02T17:11:21","date_gmt":"2004-12-02T17:11:21","guid":{"rendered":"https:\/\/www.rastko.net\/rastko-ka\/?p=118"},"modified":"2004-12-04T19:24:21","modified_gmt":"2004-12-04T19:24:21","slug":"diobelscze-skrzepice-kaszebsko-fantazejo","status":"publish","type":"post","link":"https:\/\/kaszebi.rastko.net\/?p=118","title":{"rendered":"Di\u00f4belscz\u00e9 skrz\u00ebpice. Kasz\u00ebbsk\u00f4 fantaz\u00ebj\u00f4"},"content":{"rendered":"

\nòsobë:<\/p>\n

WÒJTK<\/p>\n

BARBÔRKA<\/p>\n

STARËSZK AGÙST<\/p>\n

KARCZMÔRZ<\/p>\n

ROCZITNICA<\/p>\n

ROCZITNIK<\/p>\n

BÒROWICA<\/p>\n

DIÔBELSCZÉ SKRZËPICE<\/p>\n

Biésnice:<\/p>\n

LATAWICA<\/p>\n

\u0141ISKA<\/p>\n

BRZËDÔLNICA<\/p>\n

JÃDZËBABA<\/p>\n

SMÒL\u00d3NKA<\/p>\n

Diôb\u0142ë:<\/p>\n

PÙRTK<\/p>\n

LATAWC<\/p>\n

MAM\u00d3N<\/p>\n

DIÔBLIN<\/p>\n

SMÒL\u00d3N ë jiné<\/p>\n

a té\u017c DZÉWCZÃTA i KNÔPI z sob\u00f3tkòwi zabawë<\/p>\n

Dopòwiesc do pòstacëji apartno kaszëbsczich wedle Bedekera kaszubskiego<\/i> R\u00f3\u017cy Ostrowskiej i Izabelli Trojanowskiej, Wyd. Morskie rok 1964.<\/p>\n

1. Roczitnica: wesp\u00f3\u0142biwôczka Roczitnika. òna té\u017c skriwô sã na ùstronowëch môlach kòl jezor\u00f3w ë rzék\u00f3w, je lubie\u0144c\u0105 niék\u0142\u00f3dkow\u00f3ny swòbòdë, mô starã nad dzëwima stwòrzeniama ë wszëljaczima jistotama sprag\u0142ima wòlnotë, jak té\u017c mi\u0142otë… Pòchòdzënk Roczitnicë mò\u017cemë nalézc w prz\u00f3deczasny Grecëji. W s\u0142ôwnëch Tesmoforiach, bia\u0142og\u0142owsczim swiãce, wietewka symbòlizowa lëgnotã ë przënosza\u0142a mie\u0142osnym zwi\u0105zk\u00f3m brzôd.<\/p>\n

2. Roczitnik: To nie je nen cérzniowati, pòzw\u00f3ny czasama rozmarj\u00f3\u0144cã. To je té\u017c dëch, mili skòczny ni\u017cle szkòdlëwi, mili przekãsno-wërglowati ni\u017cle z\u0142i. Nôremné dzeckò „rëczi jak Roczitnik”. Czej cos przeszkôdzô spac w nocë szewrotô po prz\u0105trze abò za òknama, to gwës „Roczitnik rokÙje” abò wëstwôrzô.<\/p>\n

3. Bòrowica: W lese mò\u017cesz spòtkac Bòrow\u0105 Cotkã – starëszkã w ruchnach czerwionëch jak pié\u0144 ch\u00f3jczi, òpiãt\u0105 zelonym pasã z jiglënë. Mô na \u0142ësënie diadémã z baszk\u00f3w, niese kòsz ë czij, jakbë, sz\u0142a wej na grzëbë. Kò dobri cz\u0142owiek ni mùszi so ji bòjec; Bòrowô Cotka to dozérny duch bòr\u00f3w ë las\u00f3w, barni przed czarownicama ë maniewidama, a zb\u0142\u0105czonëch prowadzy do swòjégò drewnianégò dw\u00f3rkù i dowô ùtacenié. Je \u017cëcznô dzecom, nape\u0142niwô jima kòsze jagòdama ë grzëbama. Ale biada lesnym szkòdnik\u00f3m, \u0142\u00f3mi\u0105cym drzewa, wandal\u00f3m niszcz\u0105cym lesn\u0105 scelënã. Wësy\u0142ô procëm nima mëd\u017ci, \u0142asëce ë \u017cnije. Prz\u00f3dë nawetka wilczi ji ùs\u0142u\u017cëwa\u0142ë.<\/p>\n

4. Diôbelsczé skrzëpice: To je instrument, na jaczim, jak pòwiôdaj\u0105 kaszëbsczé bôjczi, chãtno griwa\u0142ë czarownice ë wszeljaczé jiné z\u0142é mòce. Na czëpie d\u0142ud\u017cégò czija nasadzonô je larwa, strasznô abò smiésznô, z w\u0142osama jak wiech, wël\u00f3\u017caj\u0105cyma spòd czôpka, chtërnégò ra\u0144t je przëstrojony zwòni\u0105cyma przë kò\u017cim pòrëszenim blaszkama. Czëp instrumentu z délã wëcãtim na sztô\u0142t skrzëpic ë òsadzon\u0105 ni\u017ci pò\u0142ow\u0105 czija \u0142\u0105cz\u0105 jedna dwie abò trzë dr\u00f3cané strënë, chtërné, jak je pòcygn\u0105c, brzãcz\u0105. Na délu przëmòcnioné je blaszané pùde\u0142kò wëpe\u0142nioné cwiardima rzeczama, jaczé przë pòtrzisniãcym – grochòc\u0105. Jesz do te jidze „grac” ùderziwaj\u0105c rãk\u0105 abò délã w pùde\u0142kò. Tak tej diôbelsczé skrzëpice sygn\u0105 za ca\u0142\u0105 òrkestrã; zwòni\u0105, brzãcz\u0105, grochòcz\u0105, zwãcz\u0105, pùkaj\u0105 – rozmieje sã nié le w rãkach dobrégò grajka. Do tu\u0144ca òne mòg\u0105 spòsobno towarzëszëc grëpie mùzyka\u0144t\u00f3w jakno perkùsjowi instrument i tak s\u0105 té\u017c wëkòrzistiw\u00f3né w karnach piesni ë tu\u0144ca.<\/p>\n

5. Bùrczibas: Je to instrument w sztô\u0142ce beczczi, jak\u0105 robi sã z danowëch abò chòjowëch biétk\u00f3w, a na òbrãcze bierze sã dãbòwé szlid\u017ci. Leno nié sama beczuszka je nôwô\u017cniészô. Charakter instrumentu dopiérze wëch\u00f3dô z… k\u00f3\u0144sczégò òg\u00f3na, co je mòcno od sp\u00f3dkù beczuszczi zawi\u0105z\u00f3ny na wãze\u0142 ë przetrzim\u00f3ny sk\u00f3rk\u0105, \u017cebë nie òpadn\u0105\u0142 do westrz\u00f3dka. Jak më prawie b\u0105dzemë pòcygac wedle taktu za nen òg\u00f3n, a na to wiele lac wòd\u0105, bùrczibas dô nisczi grzëmi\u0105cy zwãk, chtërnym nen instrument towarziszi grëpie mùzyka\u0144t\u00f3w.<\/p>\n

6. Biésnice – Czarownice: I na Kaszëbach czarzi\u0144stwã zajëmòwa\u0142ë sã przed wszëtczim bia\u0142czi. Prz\u00f3dë bë\u0142o jich wiele. Bë\u0142ë nawetka apartné wsë czarownic\u00f3w, jich pòchòdzënkòwé gniôzda, cos na ôrt wëlëgnicë. Do taczich ws\u00f3w nôle\u017ca\u0142é midzë jinszima Stowiãcëno w s\u0142ëpsczim pòwiace, Wierzchùcëno, Smòlno ë Cha\u0142upë – w pùcczim pòwiace, Wiôld\u017ci Kack kòl Gdini, Sta\u0144szewò ë Si\u00f3nowò – w kartusczim, Piéchùce – w kòscérsczim ë Kôrsyn – w chònicczim. Tima co przeje\u017cd\u017cale przez te wse kò\u0142a wëpôdiwa\u0142ë z wòz\u00f3w. Przëchòdaj\u0105cy tam lëstowi zatikalë w grifle swiãconé zela, abë miec bezpiek przed ùroczenim. W taczi wsë gwësno nié nôle\u017ca\u0142o niczegò jesc. Ale i tak blësczi s\u0105sedzë bëlë bar\u017ci bezpieczny ni\u017cle s\u0105sedzë z wsë bògati w czarownice. Tima òstatnyma nié le zdicha\u0142o bëd\u0142o, krowë „zariwa\u0142ë” mlékò ë przëchôda\u0142ë wszeljaczé jiné nieszczãcô w gòspòdarstwie, ale jesz co gòrszégò, nigdë nie bëlë gwësny zdrowiô, a nawetka \u017cëcô, tak tej – wszëtkò mòg\u0142o przi\u0144c na cz\u0142owieka od lëchégò wezdrzeniô abò – nie dôj Bò\u017ce! – dotkniãcô czarownicë.<\/p>\n

7. Diôb\u0142ë: Pòza pierwszoplanowim zajãcym, jaczim je kùseni lëdzy, diôbe\u0142 spe\u0142niwô té\u017c jiné funkcëje. Przed wszëtczim pilëje skarb\u00f3w w zemi ë w wòdze, przez to czãsto przesusziwô z\u0142oto. Jegò bëcé mò\u017cemë ùzdrzec wszãdze. Biwô „diôblô g\u00f3ra” i „diôbli kam”, „diôbli wãze\u0142” (nié do rozpi\u0144tlaniô) i „diôblô szpéra” (òrtopedowi bùdaj). Kaszëbsczé lëdztwò znô wiele ôrt\u00f3w diôb\u0142\u00f3w, a kò\u017cdi mô jiné miono, pòstacëjô ë przirodnosc. Lucëper, Jerk, Latawc, Zgrzecha, Zgrzidlôk, Skarb\u00f3wc, Mam\u00f3n, Skam\u017coch ë nôbar\u017ci zn\u00f3né: Pùrtk ë Smãtk.<\/p>\n

Biblografijô<\/p>\n

1. R\u00f3\u017ca Ostrowska i Izabella Trojanowska, Bedeker kaszubski<\/i>, Wydawnictwo Morskie, 1974 rok.<\/p>\n

2. Fridrich Lorentz i Adam Fischer, Tadeusz Lehr-Sp\u0142awi\u0144ski, Kaszubi – kultura ludowa i j\u0119zyk<\/i>, 1934 rok.<\/p>\n

3. Ryszard Kukier, Kaszubi bytowscy, Wydawnictwo Morskie<\/i>, 1968 rok.<\/p>\n

4. Julian Przybo\u015b, S\u0142oneczko – antologia polskiej pieni ludowej<\/i>, PIW, 1953 rok.<\/p>\n

5. J\u0119drzej Cierniak, \u0179r\u00f3d\u0142a i nurty polskiego teatru ludowego<\/i>, Ludowa Sp\u00f3\u0142dzielnia Wydawnicza, 1963 rok.<\/p>\n

6. W\u0142adys\u0142aw Kirstein i Leon Roppel, Pie\u015bni z Kaszub<\/i>, Komitet Wykonawczy Roku Jubileuszowego, 1958 rok.<\/p>\n

ZELONY JAN<\/h3>\n

Bina prawie pùstô. Mùzyka. Pòkazëje sã Roczitnica. Wëczarziwô wid i pòtrzébn\u0105 do pierwszégò òbrôzka dekoracëjã.<\/i><\/p>\n

ROCZITNICA<\/p>\n

Niech sã òbzeleni\u0105<\/p>\n

Niech zakwitn\u0105 s\u0142owa<\/p>\n

Niech spiewaj\u0105 ë tu\u0144cëj\u0105<\/p>\n

W tã sob\u00f3tkòw\u0105 noc.<\/p>\n

P\u0142inie fala z jezora<\/p>\n

Baladowim \u017cochã<\/p>\n

Napijta sã s\u0142owa<\/p>\n

Ti szëmi\u0105cy mòwë<\/p>\n

Zaklin\u00f3m waj na òd\u017ci\u0144,<\/p>\n

Zaklin\u00f3m waj na wòdã,<\/p>\n

Na s\u0142u\u0144ce, mies\u0105c, gwiôzdë,<\/p>\n

Na wiater ë szargòtã.<\/p>\n

Niech sã s\u0142owa zdzywùj\u0105 czarama<\/p>\n

Niech sã mëslë zamësl\u0105 gwiôzdama<\/p>\n

Niech sã òczë zaczarz\u0105 ùrzekã<\/p>\n

Niech wano\u017c\u0105 wòd\u0105, niebã, rzék\u0105.<\/p>\n

(Z dôleka czëc je spiewanié)<\/i><\/p>\n

S\u0142ëchôjta jak o kòchanim las gôdô<\/p>\n

Lasã jidze czerwi\u0144cowô balada.<\/p>\n

Roczitnica znikô, pò sztërkù wnëkiwaj\u0105 Dzéwczãta.<\/i><\/p>\n

DZÉWCZÃTA (p\u00f3\u0142g\u0142osno)<\/i><\/p>\n

Wej, Janie, Janie,<\/p>\n

Janie zelony,<\/p>\n

Lôtaj\u0105 lestë,<\/p>\n

Lôtaj\u0105 lestë,<\/p>\n

Na wszëtczé stronë.<\/p>\n

JULISZKA<\/p>\n

A czedë sã të,<\/p>\n

Zelony Janie ò\u017cenisz?<\/p>\n

BIÉTKA<\/p>\n

A czedë sobie<\/p>\n

Bia\u0142kã narajisz<\/p>\n

ANKA<\/p>\n

Dzysô sob\u00f3tka<\/p>\n

niewiele czasu, niewiele.<\/p>\n

BARBÔRKA<\/p>\n

Zelony Janie<\/p>\n

Gdze twòje lesné weselé?<\/p>\n

(czëc je spiewanié ë mùzykòwanié Knôp\u00f3w)<\/i><\/p>\n

JULISZKA<\/p>\n

Jid\u0105, Knôpi, jid\u0105<\/p>\n

Rëszno pòdspiewùj\u0105.<\/p>\n

BARBÔRKA<\/p>\n

Chcemë sã schòwac,<\/p>\n

Niech sami tu\u0144cëj\u0105.<\/p>\n

Dzéwczãta skriwaj\u0105 sã gdze pòpadnie. Knôpi wchôdaj\u0105, kò\u017cdi, wedle swiãtoja\u0144sczégò zwëkù na Kaszëbach, niese wialg\u0105 wietwã kl\u00f3nu. Z wietw\u00f3w robi\u0105 lasyk, w jaczim pùdze sã schòwac.<\/p>\n

Dzéwczãtom.<\/p>\n

Chòranka – tu\u0144c.<\/i><\/p>\n

KNÔPI<\/p>\n

Sziszczi chòdz\u0105, zwònczi brzãkaj\u0105<\/p>\n

Kawalérze dzewùs\u00f3w szukaj\u0105.<\/p>\n

Jenkù, jenkù,<\/p>\n

Gdze s\u0105 dzéwczãta,<\/p>\n

Tra la la, Ti ra la!<\/p>\n

Te niebò\u017cãta!<\/p>\n

Knôpi spiewaj\u0105c wëbiegiwaj\u0105 szukac Dzéwczãt\u00f3w. Dzéwczãta wëlôtiwaj\u0105 z tacënkù, tu\u0144cëj\u0105 ë spiewaj\u0105.<\/i><\/p>\n

DZÉWCZÃTA<\/p>\n

Wej, jid\u0105, jid\u0105, òbzelenia\u0142i<\/p>\n

Ùcékôj dzéwczã, bë ce nie wzãlë.<\/p>\n

Ùcékôj, ùcékôj, przed knabasama<\/p>\n

Przed tima, przed tima,<\/p>\n

Tima lorbasama!<\/p>\n

Dzéwczãta ùcékaj\u0105, wr\u00f3caj\u0105 knôpi ë dali tu\u0144cëj\u0105 ë spiewaj\u0105.<\/i><\/p>\n

WÒJTK<\/p>\n

Jô widzô\u0142 dzéwczã, piãkné jak ani\u00f3\u0142<\/p>\n

Tã jô bë miec chcô\u0142<\/p>\n

Teszno mie je za ni\u0105<\/p>\n

KNÔPI<\/p>\n

Pòmagôj, pòmagôj,<\/p>\n

Zelony Janie<\/p>\n

Dôj pannom pesznotã<\/p>\n

I zakòchanié.<\/p>\n

DZÉWCZÃTA<\/p>\n

Midzë klonama, zelonyma klonama<\/p>\n

Nëkaj\u0105 knôpi<\/p>\n

Wszëtczima stronama.<\/p>\n

JULISZKA (skriwaj\u0105cô sã za kl\u00f3nã)<\/i><\/p>\n

Në, J\u00f3zefkù, parobeczkù,<\/p>\n

Szukôj so bia\u0142eczczi.<\/p>\n

J\u00d3ZEFK<\/p>\n

Në a jak jô ji m\u00f3m,<\/p>\n

Na par\u00f3na, szukac?<\/p>\n

DZÉWCZÃTA (krij\u0105cé sã)<\/p>\n

Jic, J\u00f3zefkù do dzewùsa<\/p>\n

W òczenkò pùkac.<\/p>\n

J\u00d3ZEFK (pòdchôdô do drzewa, za jaczim stoji Juliszka)<\/i><\/p>\n

Pùk, pùk, w òczeneczkò<\/p>\n

Pòj, Juliszkò, kòchaneczkò<\/p>\n

Sama, jedinô.<\/p>\n

Wëprowôdzô Juliszkã zeza b\u00f3më<\/i>.<\/p>\n

KNÔPI<\/p>\n

Je tu widza\u0142ô<\/p>\n

Julka, Juliszka –<\/p>\n

\tòst\u00f3nie.<\/p>\n

Bò te J\u00f3zefka<\/p>\n

te widza\u0142égò<\/p>\n

dost\u00f3nie.<\/p>\n

SYLWIN (pòdchôdô do b\u00f3më, za jaczim skriwô sã Biétka)<\/i><\/p>\n

Pùk, pùk w òczeneczkò<\/p>\n

Në\u017ce, Biétkò, kòchaneczkò<\/p>\n

Sama, jedinô.<\/p>\n

Wëprowôdzô Biétkã zeza b\u00f3më.<\/p>\n

KNÔPI<\/p>\n

Je tu widza\u0142ô<\/p>\n

El\u017cbiétka, Biétka –<\/p>\n

\tòst\u00f3nie.<\/p>\n

Bò te Sylwinka<\/p>\n

Bò te widza\u0142égò –<\/p>\n

\tdost\u00f3nie.<\/p>\n

Knôpi ë Dzéwczãta òdchôdaj\u0105 pôrama do lasa. òstaje leno Wòjtk<\/i>.<\/p>\n

WÒJTK (pòdchôdô do b\u00f3më,za jaczim skri\u0142a sã Barbôrka)<\/i><\/p>\n

Pùk, pùk w òczeneczkò<\/p>\n

Pòj, Barbôrkò, kòchaneczkò<\/p>\n

Sama, jedinô.<\/p>\n

BARBÔRKA (wëchôdô z ùtaceniô)<\/i><\/p>\n

Nie pùkôj w òczenkò, nie pùkôj!<\/p>\n

Nôpierwi skrzëpic czarz\u0105cëch pòszukôj.<\/p>\n

Zata\u0144cëjã z tob\u0105 sob\u00f3tkã w lese<\/p>\n

Czej mie Diôbelsczé Skrzëpice przëniesesz<\/p>\n

Na Dzéwczi G\u00f3rze, hej na smù\u017ckù,<\/p>\n

Przeta\u0144cëjã z tob\u0105 noc do renuszka.<\/p>\n

WÒJTK<\/p>\n

Barbôrkò mòja, dzéwczë mië\u0142i,<\/p>\n

Tak mie bez \u017côlu w piek\u0142o wësy\u0142ôsz?<\/p>\n

Ale jô m\u00f3m mòcnô g\u0142owã:<\/p>\n

Z diôb\u0142ama so pòradzã<\/p>\n

D\u00f3m ce doradã!<\/p>\n

BARBÔRKA<\/p>\n

Jô \u017côdny doradë nie brëkùjã<\/p>\n

Mdzesz miô\u0142 skrzëpice, zata\u0144cëjã.<\/p>\n

Hej, rumbôj dija i rumbôj rzek\u0142ô<\/p>\n

Niech spiewô spiéwka<\/p>\n

Pòzarzek\u0142ô!<\/p>\n

Do ùzdrzeniô na Dzéwczi G\u00f3rze<\/p>\n

Gdze kwitnie parpac ë dzëwé r\u00f3\u017ce.<\/p>\n

Wëbiegô<\/i>.<\/p>\n

WÒJTK<\/p>\n

Do ùzdrzeniô, Barbôrkò mië\u0142ô!<\/p>\n

\u017bebë të midzë kwiatama nie zb\u0142\u0105dzë\u0142a.<\/p>\n

Të na Dzéwcz\u0105, jô na \u0141ës\u0105 –<\/p>\n

Mùszã wzyc skrzëpice biésom.<\/p>\n

Jak zabawa, to zabawa:<\/p>\n

Tu sob\u00f3tka, a tu szabat!<\/p>\n

Wëbiegô. Pòkazëje sã pòchada Dzéwczãt\u00f3w ë Knôp\u00f3w nios\u0105cëch bòrdë kwiat\u00f3w ë zelégò<\/i>.<\/p>\n

DZÉWCZÃTA ë KNÔPI (spiewaj\u0105)<\/i><\/p>\n

Hej, Janie, Janie, zelony Janie<\/p>\n

Zarzekni nam kòchaniô<\/p>\n

Na swiãto sërcobraniô.<\/p>\n

Przez lilewé lëpinë<\/p>\n

Prosz\u0105 ce dzewùlinë.<\/p>\n

Przez s\u0142oneczné dzewannë<\/p>\n

Proszã wiesczé pannë.<\/p>\n

A przez z\u0142oté jôrczi<\/p>\n

Prosz\u0105 kôp\u00f3w pôrczi.<\/p>\n

Niech sã zdarzi<\/p>\n

Niech sã zdarzi<\/p>\n

Të nama ùczarzi<\/p>\n

Të nama ùczarzi<\/p>\n

Kòchaniô!<\/p>\n

Wëchôdaj\u0105. Znowa pòkazëje sã Roczitnica-Czarzb\u00f3nka<\/i>.<\/p>\n

ROCZITNICA (wò\u0142ô scëch\u0142im g\u0142osã)<\/i><\/p>\n

Hej, Bracënkù Roczitnikù!<\/p>\n

Roczitnik wbiegô<\/i>.<\/p>\n

ROCZITNICA<\/p>\n

S\u0142ëchë leno!<\/p>\n

òna chce Diôblëch Skrzëpic spiekl\u00f3nô.<\/p>\n

ROCZITNIK (ùceszony)<\/i><\/p>\n

To b\u0105d\u0105 smiészné wice<\/p>\n

Skòrno Dzewùs chce Dôbelsczé Skrzëpice<\/p>\n

A co knôp?<\/p>\n

ROCZITNICA
\nKnôp? To dô chitrich lës\u00f3w<\/p>\n

B\u0105dze szukô\u0142 skrzëpice ù biés\u00f3w.<\/p>\n

ROCZITNIK<\/p>\n

Cos mie gôdô mòja lesnô sk\u00f3ra <\/p>\n

\u017be b\u0105dze robòtë f\u00f3ra.<\/p>\n

ROCZITNICA<\/p>\n

Przez Pùrtkòwé stegnë nëkôj za nim<\/p>\n

Mùszimë gò wspòrac czarami.<\/p>\n

ROCZITNIK<\/p>\n

Tej sostrzëco, Roczitnico-Gùslarzëco<\/p>\n

Nicht bez czar\u00f3w so nie dô radë w \u017cëco.<\/p>\n

B\u0105dzemë wiedno wëgriwalë<\/p>\n

Na Dôbelsczich Skrzëpicach, wejtale!<\/p>\n

Wëbiegô<\/i>.<\/p>\n

ROCZITNICA<\/p>\n

Ùczarzã dzëwann\u0105, lëpinama<\/p>\n

Macerz\u00f3nk\u0105, drz\u00f3nã, rozmarinama.<\/p>\n

Tu\u0144cã, spiewã, parpac\u0105, kl\u00f3nã<\/p>\n

I nym Janem, Janem zelonym.<\/p>\n

W CHËCZI STARKA AGÙSTA<\/b><\/p>\n

Stark Agùst przëprôwiô tobakã wedle receptë, jak\u0105 nalôz\u0142 wiôld\u017ci stôri knédze<\/i>.<\/p>\n

AGÙST<\/p>\n

M\u00f3m tu ùstôw òd tobaczi<\/p>\n

A przë tim nie bële jaczi:<\/p>\n

„Lëstë bëlno pòmieloné<\/p>\n

Ch\u0142\u0105dë përzinkã spôl\u00f3né<\/p>\n

W dënicë kr\u0105c tobacznikã<\/p>\n

Pòkropi k\u0105sk arszenikã<\/p>\n

Czichniesz nibë starô krowa<\/p>\n

A za\u017ciwka ju gòtowô”.<\/p>\n

(za\u017ciwô tobakã ë czichô, czëc je klepanié)<\/i><\/p>\n

Chto tam znôù b\u00f3\u0142-b\u00f3\u0142-b\u00f3\u0142?<\/p>\n

WÒJTK<\/p>\n

Wòjtk, tuwò jem sã wz\u0105\u0142.<\/p>\n

AGÙST (odmikô ùredow\u00f3ny)<\/i><\/p>\n

Co za mië\u0142ô gòscëna<\/p>\n

M\u00f3j wnuk òd samégò rena.<\/p>\n

(przëzérô so Wòjtkòwi z wszëtczich stron)<\/i><\/p>\n

To je knôp! Co nowégò, m\u00f3w!<\/p>\n

WÒJTK (té\u017c uredow\u00f3ny)<\/i><\/p>\n

Stark, wejle, rëszny, zdr\u00f3w!<\/p>\n

AGÙST<\/p>\n

Na Kaszëbach, lato, zema<\/p>\n

Kò\u017cdi stark sã bëlno trzëmô<\/p>\n

Tak ju m\u00f3më wiedno w zwëku<\/p>\n

Czë w maju, czë té\u017c w gòdnikù.<\/p>\n

WÒJTK<\/p>\n

Knôp\u00f3m z zymkòw\u0105 redosc\u0105<\/p>\n

Do kòchaniô sërca rosc\u0105<\/p>\n

AGÙST (domëslno)<\/i><\/p>\n

A dzéwczã jak sã nazéwô<\/p>\n

WÒJTK<\/p>\n

Në… to je Barbôrka \u017cëwô.<\/p>\n

Starkù m\u00f3j lùbòtny baro<\/p>\n

Jô brëkùjã twoje czarë<\/p>\n

Starkù, jak\u0105s radã cos tam<\/p>\n

Rzecze, jak skrzëpice dostac?<\/p>\n

AGÙST<\/p>\n

A pò co cë taczé granié?<\/p>\n

WÒJTK<\/p>\n

Na Barbôrczi zakòchanié<\/p>\n

AGÙST<\/p>\n

Zachca\u0142o sã biésny n\u00f3tczi<\/p>\n

òd szabatu do sob\u00f3tczi?<\/p>\n

WÒJTK<\/p>\n

Tak jak leno m\u00f3j dzewùs chcô\u0142<\/p>\n

Tak tej skrzëpice b\u0105dze miô\u0142<\/p>\n

AGÙST<\/p>\n

Jak òna ce ùdosta\u0142a<\/p>\n

Tej jô b\u0105dã mùszô\u0142 dza\u0142ac<\/p>\n

Do Pùrtk\u00f3w tam stegna jidze<\/p>\n

Kòl ni biésnicã je widzec<\/p>\n

òna skrëtwë skrzëpic znaje<\/p>\n

Sama na nich chãtno graje<\/p>\n

WÒJTK<\/p>\n

Diôbli \u0142ãczk w biésnicë rãkach<\/p>\n

Apartnô to je chòranka<\/p>\n

AGÙST<\/p>\n

Wez tedë kaszëbsczé n\u00f3të<\/p>\n

Mdzesz spiewô\u0142 pò drodze do te:<\/p>\n

Szed\u0142 knôp do lasa<\/p>\n

Ùtn\u0105\u0142 bùk do basa.<\/p>\n

WÒJTK<\/p>\n

Szed\u0142 dali nie rzek\u0142 nic<\/p>\n

Ùtn\u0105\u0142 brz\u00f3skã so skrzëpic.<\/p>\n

RAZÃ<\/p>\n

Hej grô strëna òd basa<\/p>\n

Hej da, hej rasa sasa!<\/p>\n

AGÙST<\/p>\n

Wez frant\u00f3wczi, a jesz r\u00f3\u017ck tobaczi<\/p>\n

Wez na drogã swòje aczipaczi!<\/p>\n

WÒJTK (scyskô starka, wëbiegô ë spiewô)<\/i><\/p>\n

To s\u0105 Skrzëpczi, to je Bas<\/p>\n

Tu chëcz starka, a tam las!<\/p>\n

Hej grô strëna òd basa<\/p>\n

Hej da, hej rasa sasa!<\/p>\n

KÒL BIÉSNICË LATAWICË<\/b><\/p>\n

Biésnice Latawica i \u0141iska rëchtuj\u0105 szabat<\/i>.<\/p>\n

\u0141ISKA<\/p>\n

Jem sama czë\u0142a:<\/p>\n

Na wszëtczé stronë<\/p>\n

Wò\u0142aj\u0105: Janie, Janie zelony!<\/p>\n

Ju jima sob\u00f3tka zacygô swiat<\/p>\n

Wi\u0144ce na wòdze, parpacë kwiat.<\/p>\n

Na Dzéwczi G\u00f3rze, dzysô wiecz\u00f3rkã<\/p>\n

Czej s\u0142u\u0144ce za\u0144dze za to jez\u00f3rkò <\/p>\n

LATAWICA<\/p>\n

A më na \u0141ës\u0105, pò cemkù, noc\u0105<\/p>\n

Czedë gwiôzdë na niebie sã z\u0142oc\u0105.<\/p>\n

\u0141ISKA<\/p>\n

Hej! – Biés\u00f3w Latawica<\/p>\n

Biésëtnica<\/p>\n

Brzëdolnica<\/p>\n

Ë ta Ri\u017cô, ë ta \u0141ësô<\/p>\n

Kò\u017cdô prosy swégò biésa.<\/p>\n

Òba ta\u0144cëj\u0105 ë spiewaj\u0105co nazéwaj\u0105 Diôb\u0142\u00f3w<\/i>.<\/p>\n

\u0141ISKA<\/p>\n

Pùrtk<\/p>\n

Smãtk<\/p>\n

Skarb\u00f3wc<\/p>\n

LATAWICA<\/p>\n

Zgrzëdlôk<\/p>\n

Zgrzécha<\/p>\n

Latawc<\/p>\n

\u0141ISKA<\/p>\n

Mam\u00f3n<\/p>\n

Skam\u017coch<\/p>\n

Pieczelnik<\/p>\n

LATAWICA<\/p>\n

Diôblin<\/p>\n

Smòlôk<\/p>\n

Paskùdnik<\/p>\n

(pò tu\u0144cu)<\/i><\/p>\n

Biésnice, kmòterkò \u0141iskò,<\/p>\n

Scygni noc\u0105 na ògniskò.<\/p>\n

Jô nastrojã skrzëpicã diôbelsk\u0105<\/p>\n

Na n\u00f3të kaszëbskò-wiesk\u0105.<\/p>\n

Bò dzys je prawie m\u00f3da takô:<\/p>\n

Folklor, lëdowiznë jakòsc.<\/p>\n

Hu, ha!<\/p>\n

\u0141ISKA<\/p>\n

Hej!, na g\u00f3rze, na \u0141ësy zabawa<\/p>\n

Lecã, lecã rëchtowac szabat<\/p>\n

Sôdô na miôtlëcã ë òdlatëje<\/i>.<\/p>\n

LATAWICA<\/p>\n

Za kr\u00f3tkô swiãtoja\u0144skô noc, za kr\u00f3tkô,<\/p>\n

Nie zmògnie Szabatu Sob\u00f3tka.<\/p>\n

(wò\u0142ô)<\/i><\/p>\n

Latawc, Latawc<\/p>\n

Pòj sã mie tu, pòj sã!<\/p>\n

LATAWC (z dôleka)<\/i><\/p>\n

Chto wò\u0142ô, chto wrzeszczi?<\/p>\n

LATAWICA<\/p>\n

Jô, biésnica, nie b\u00f3j sã.<\/p>\n

LATAWC (wlatëje)<\/i><\/p>\n

Jo! Co chcesz mùlkù kòch\u00f3ny?<\/p>\n

LATAWICA<\/p>\n

Tuwò b\u0105dze tu\u0144cow\u00f3né<\/p>\n

A jô ni m\u00f3m kòrk\u00f3w nowëch<\/p>\n

Na nen wiecz\u00f3r szabatowi<\/p>\n

Ë do te jem bez warkoczi<\/p>\n

M\u00f3j Latawcu, m\u00f3j ùroczi<\/p>\n

Lec na jôrmark, kup mie botë<\/p>\n

Na te m\u00f3je nãtné p\u00f3të.<\/p>\n

Jesz parukã ë bùrsztinë<\/p>\n

M\u00f3j Latawcu, m\u00f3j jediny.<\/p>\n

Czej lecã na \u0141ës\u0105 gôrã<\/p>\n

Mùszã krzniãt\u0105 miec frizurã.<\/p>\n

LATAWC (chwôtô biésnicã w p\u00f3\u0142, zaczinô z ni\u0105 tu\u0144cowac, spiewô)<\/i><\/p>\n

Latawico, biésnico mi\u0142ô<\/p>\n

\u017bebës kòrk\u00f3w nie zgùbi\u0142a.<\/p>\n

\u017bebës reno, zemn\u0105 ros\u0105<\/p>\n

Nie sz\u0142a dod\u00f3m czësto bòso.<\/p>\n

LATAWICA<\/p>\n

Hej, Latawcu, biés\u00f3w drod\u017ci<\/p>\n

Nie martw sã ò mòje nod\u017ci.<\/p>\n

Bò jak zgùbiã kòrczi w lese –<\/p>\n

Të na krzepce mie przeniesesz.<\/p>\n

LATAWC<\/p>\n

Dobri szpôs tynfa wôrt!<\/p>\n

Nie przegôdô notë czôrt.<\/p>\n

Ju lecã, òstani zdrowô,<\/p>\n

Na nen jôrmak do Wejrowa.<\/p>\n

Wëbiégô<\/i>.<\/p>\n

LATAWICA<\/p>\n

Ùdô\u0142 mie sã nen m\u00f3j Latawc, ni ma co!<\/p>\n

B\u0105d\u0105 chmòtrë mie falszëwé! Ho, ho, ho!<\/p>\n

Ri\u017cé kruzë ùpiãté w cop na g\u0142owie <\/p>\n

Ë bùrsztinë, ë wi\u0144c rozmajr\u00f3nowi.<\/p>\n

Terô chcemë chùtkò wës\u0142ac pòs\u0142a<\/p>\n

\u017bebë sã nowina Pùrtk\u00f3m nios\u0142a.<\/p>\n

Nëkôjta! Diôbelsczé Skrzëpice<\/p>\n

Bò ju rozëgracëjô jidze.<\/p>\n

Czëc je pòbrzãkiwanié, muzykòwanié. Diôbelsczé Skrzëpice gnaj\u0105 w pòdskòkach. Biésnica chwôtô \u0142ãczk, zaczinô grac<\/i>.<\/p>\n

LATAWICA i SKRZËPICE (spiewaj\u0105)<\/i><\/p>\n

Ùmdra, ùmdra<\/p>\n

Ùmdra – ra – ra<\/p>\n

Spiewô nota<\/p>\n

Grô Maszkara,<\/p>\n

Tradi – radi<\/p>\n

Ra – la – la –<\/p>\n

Rumbôj – dija -da.<\/p>\n

LATAWICA<\/p>\n

Nëkôj, nëkôj, bòrã, gajã<\/p>\n

Zwò\u0142ôj ca\u0142\u0105 biésn\u0105 zgrajã<\/p>\n

Wszëtczé diôb\u0142é, Pùrtczi, biésë<\/p>\n

Hej, na G\u00f3rze, hej, na \u0141ësy.<\/p>\n

Tradi – radi<\/p>\n

Ra – la – la –<\/p>\n

Rumbôj – dija -da.<\/p>\n

SKRZËPICE<\/p>\n

Hej, Diôblinë, Pieczelniczi<\/p>\n

Smòlôczi ë Paskùdniczi<\/p>\n

Smãtczi, Zgrzéchë ë Mam\u00f3në<\/p>\n

Ùmdra, ùmdra, dali w tanë<\/p>\n

Tradi – radi<\/p>\n

Ra – la – la –<\/p>\n

Rumbôj – dija – da.<\/p>\n

LATAWC<\/p>\n

Ju wiater zaklãti w kòminie swiszcze<\/p>\n

Na pùrtkòwiznã! Na pùrtkòwiszcze!<\/p>\n

(Skrzëpice wënëkiwaj\u0105 z n\u00f3t\u0105 wiatru)<\/i><\/p>\n

LATAWICA (tajemno, bòj\u0105cë sã, \u017cebë ji nicht nie pòdezdrzô\u0142, szmërgô do beczczi rozmajité zelé)<\/i><\/p>\n

Terô psô ruta,<\/p>\n

Wilczô jagòda,<\/p>\n

òstë, pòkrziwë<\/p>\n

Ë lesnô wòda<\/p>\n

Zélné k\u0105panié!<\/p>\n

Z ni Latawica<\/p>\n

Wëskòknie m\u0142odô<\/p>\n

Ë piãknolicô!…<\/p>\n

Z beczczi cygn\u0105 sã farwné dimë. Czarz\u0105cé widë wano\u017c\u0105 pò scanach. Biésnica rozeblekô sã do k\u0105paniô. Wnym sztërkù jizba òbrôcô sã ò sto òsmëdzes\u0105t stopni – ë wej jesmë przed chëcz\u0105 Latawicë. Z bëna lecy spiewanié k\u0105pi\u0105cy sã czarzelnicë<\/i>.<\/p>\n

LATAWICA<\/p>\n

K\u0105pa\u0142a sã Kasza w mòrzu<\/p>\n

Pôsa\u0142a Kòniczi w zbò\u017cu…<\/p>\n

W czerenkù chëczë pòdkrôdaj\u0105 sã Wòjtk ë Roczitnik<\/i><\/p>\n

ROCZITNIK<\/p>\n

Ju kr\u00f3tkò notë czëjã<\/p>\n

Bò psy rut\u0105 zalatëj\u0105.<\/p>\n

Zazéraj\u0105 do òkna.<\/p>\n

WÒJTK<\/p>\n

Leno czë mdze chca òtemkn\u0105c<\/p>\n

Pò ùszë w ti beczce mòkn\u0105c?<\/p>\n

ROCZITNIK<\/p>\n

Mò\u017ce jã chòranka skruszë,<\/p>\n

Chòc w beczce sedzy pò ùszë.<\/p>\n

Të pòd òknã wdzëczno spiewôj<\/p>\n

A jô skrijã sã za drzewa.<\/p>\n

WÒJTK<\/p>\n

Latawica mòja z\u0142otô<\/p>\n

Dôj\u017ce gãbë chòc za p\u0142ota<\/p>\n

Dôj\u017ce, bò mie wzã òskòma,<\/p>\n

Jak nie dôsz – òstanã doma.<\/p>\n

Zel\u00f3nô \u0142\u0105czka, wej ja\u0142\u00f3wc<\/p>\n

Na co ce zmiarti nen Latawc?<\/p>\n

Lepszi kawalér je w chëczach<\/p>\n

Ni\u017cle diôbe\u0142, jô ce rzeczã!<\/p>\n

B\u00f3\u0142, b\u00f3\u0142, w òczeneczkò,<\/p>\n

Pòj Biésnico, kòchaneczkò.<\/p>\n

LATAWICA<\/p>\n

Chto tam klepie?<\/p>\n

WÒJTK<\/p>\n

Wòjtk, co gò z daleka przëgna\u0142o<\/p>\n

òtemkn\u0105c chëcz bë sã przëda\u0142o.<\/p>\n

LATAWICA (wëchilô sã z òkna)<\/i><\/p>\n

Za chòrank\u0119 chcesz gòscynã?<\/p>\n

WÒJTK<\/p>\n

Jo, Biésnico, jo jedinô!<\/p>\n

LATAWICA<\/p>\n

Nôpierwi mie gòsckã przënies.<\/p>\n

WÒJTK<\/p>\n

Co?<\/p>\n

LATAWICA<\/p>\n

Trzë skòpic\u0105 trëcëznë \u017cnije.<\/p>\n

WÒJTK<\/p>\n

To mô bëc ale darënk!<\/p>\n

LATAWICA<\/p>\n

Òs\u0142owati të jes w g\u0142owie<\/p>\n

To na picé gadzënowé,<\/p>\n

Jaczé diôb\u0142ë, cwiardô g\u0142owo,<\/p>\n

Nazéwaj\u0105 gadzënow\u0105.<\/p>\n

WÒJTK<\/p>\n

Szaczer-macher, rôz sã \u017cëje!<\/p>\n

W trzë minutë d\u00f3m trzë \u017cnije.<\/p>\n

Wëbiegô<\/i>.<\/p>\n

LATAWICA (wëchôdô przed chëcz)<\/i><\/p>\n

Zdrzita, zdrzita, jaczi skòczny<\/p>\n

Òn je wierã w gãbie mòcny.<\/p>\n

Trzeba bë\u0142o franta nëkac,<\/p>\n

A nié na Latawca czekac.<\/p>\n

Òn jak diôbe\u0142 je zôzdrosny,<\/p>\n

Jesz mie wlëmi, to je gwësny. <\/p>\n

Wbiégô chmòtra Brzëdolnica.<\/i><\/p>\n

BRËDOLNICA<\/p>\n

Wpad\u0142a jem tu jak pò òd\u017cin,<\/p>\n

Latawico, prosto z drod\u017ci.<\/p>\n

Wej rëchtujã sã na szabat,<\/p>\n

Në a tuwò przikrô sprawa:<\/p>\n

Pò\u017cicz mie lëbiszkù trochã,<\/p>\n

Bò mie Diôblin nie chce kòchac.<\/p>\n

Òdd\u00f3m zelé pò niedzelé.<\/p>\n

(rozgòrz\u00f3nô)<\/i><\/p>\n

Ach, \u017cebë gò diôbli wzelë!<\/p>\n

LATAWICA (przënosy zelé)<\/i><\/p>\n

Môsz tu lëbiszk ë nie czekôj<\/p>\n

Wiecz\u00f3r jidze, dzé\u0144 ùcekô.<\/p>\n

BRZËDOLNICA<\/p>\n

Lecã do swé chëczë mieszkac…<\/p>\n

Dôm ce gãbë za lëbiszka!<\/p>\n

LATAWICA<\/p>\n

Chto jã weznie, heretnicã<\/p>\n

Takô brzëdkô, Brzëdolnicã!<\/p>\n

\u017bebë chòc jesz m\u0105drô bë\u0142a<\/p>\n

To bë mò\u017ce narajë\u0142a<\/p>\n

Ë za rod\u017ci wzã te Czarta.<\/p>\n

Gra bë bë\u0142a swiéczczi wôrtô.<\/p>\n

Czëc je spiewanié Wòjtka. Wbiegô z trzema blëszcz\u0105cyma \u017cnijama.<\/i><\/p>\n

WÒJTK<\/p>\n

Wr\u00f3côm ca\u0142i, jidã zdrowi<\/p>\n

Z ti przigòdë gadzënowi!<\/p>\n

LATAWICA <\/p>\n

Jak mô bëc przigoda cëdnô<\/p>\n

Do trzecégò razu wiedno!<\/p>\n

Trzeba spe\u0142nic trzë warunczi,<\/p>\n

Taczé w bôjkach s\u0105 rachùnczi.<\/p>\n

WÒJTK<\/p>\n

Tej jô przëni\u00f3s\u0142 trzë gadzënë<\/p>\n

Dlô Diôblinë, dlô jediny.<\/p>\n

A të mie w nôdgrodã rzecze<\/p>\n

Jak skrzëpice scygn\u0105c w chëczë.<\/p>\n

LATAWICA<\/p>\n

M\u00f3j të malow\u00f3ny knôpkù <\/p>\n

Chcesz terô nabic mie w czôpkã?<\/p>\n

WÒJTK<\/p>\n

Në\u017ce, nié w czôpkã le szpòrtã.<\/p>\n

Smiéchã wëgrôsz nawet z czurtã!<\/p>\n

LATAWICA<\/p>\n

Kò mie nie je do smiéchu<\/p>\n

(beczi)<\/i><\/p>\n

Bò mie skrzëpice wz\u0105\u0142 Zgrzécha.<\/p>\n

(jamroce)<\/i><\/p>\n

Miô\u0142 jô fidle, m\u00f3j panie, miô\u0142,<\/p>\n

Grô\u0142 jem na nich, piãkno grô\u0142<\/p>\n

Rozmajité kòzanczi, wej<\/p>\n

Falszëwò na mie zdrzelë, tej.<\/p>\n

WÒJTK<\/p>\n

A gdze szukac diôb\u0142a Zgrzéchë?<\/p>\n

Jic przez jaczis stegnë cëchë?<\/p>\n

LATAWICA<\/p>\n

Gdzes przez mòrzkùle ë b\u0142ota<\/p>\n

Na smãtkòwé cëszé kòta.<\/p>\n

Nëkôj za nima!<\/p>\n

Gwësno je nalézesz<\/p>\n

Gwësno tam sã pòtkôsz,<\/p>\n

Ze Skrzëpicama.<\/p>\n

WÒJTK (spiewô na melodëjã „Kaszëbsczich n\u00f3t\u00f3w)<\/i><\/p>\n

Tu je bagno, a tam b\u0142ota<\/p>\n

Wilczé zelé, dzëwô cota.<\/p>\n

Tu je Smãtk, a tam zabawa<\/p>\n

Diôblinë z Biésama skôcz\u0105<\/p>\n

Zabawa<\/p>\n

Wej skôcz\u0105<\/p>\n

Pòd \u00f3lszk\u0105 bagno, b\u0142oto<\/p>\n

Wilczé zelé, dzëwò cota.<\/p>\n

Refren spiewô Wòjtk razã z Biésnic\u0105. Mòg\u0105 tu\u0144cowac. Z przëspiewk\u0105 Wòjtk wëbiégô<\/i>.<\/p>\n

LATAWICA<\/p>\n

Ju të Diôbelsczich Skrzëpic<\/p>\n

Nie dost\u00f3niesz, nie dogònisz<\/p>\n

Ju të w bagnie, pòd \u00f3lszkama<\/p>\n

Òst\u00f3niesz, òst\u00f3niesz…<\/p>\n

PÙRTKOWÉ STEGNË<\/b><\/p>\n

Lesné pùstczi. Roczitnica zbiérô zelé ë kwiatë.<\/i><\/p>\n

ROCZITNICA<\/p>\n

To na mië\u0142osc<\/p>\n

To na zgòdã<\/p>\n

To na m\u0142odosc<\/p>\n

To na ùrodã<\/p>\n

Nen falszëwi<\/p>\n

Nen zdradlëwi<\/p>\n

Chòc tak baro<\/p>\n

Ùroklëwi.<\/p>\n

(spiewô)<\/i><\/p>\n

Biô\u0142é czarë – nenufarë<\/p>\n

Hej na wòdze<\/p>\n

Lepi bë cë bë\u0142o, knôpie<\/p>\n

Pò ni nie chòdzëc.<\/p>\n

Dzëwi r\u00f3\u017cë kòl jezora spitôj<\/p>\n

Òna pòwié czedë parpac zakwitô.<\/p>\n

Z westrz\u00f3dka lasu wò\u0142aj\u0105 Diôbelsczé Skrzëpice<\/i>.<\/p>\n

SKRZËPICE<\/p>\n

Hej, pòmò\u017ce, g\u0142osu spiewaj\u0105cy.<\/p>\n

ROCZITNICA<\/p>\n

Hej, chto wò\u0142ô?<\/p>\n

SKRZËPICE<\/p>\n

Instrume\u0144t graj\u0105cy<\/p>\n

ROCZITNICA<\/p>\n

Co sã dzeje<\/p>\n

SKRZËPICE<\/p>\n

Jem zmila drogã<\/p>\n

Wëgrac z b\u0142otama ni mògã.<\/p>\n

ROCZITNICA<\/p>\n

Òd czedë to jaczis fidle<\/p>\n

Pò bagnach gòni\u0105 jak bidle<\/p>\n

Òstawi n\u00f3të skôcz prosto<\/p>\n

Tam gdze \u017curawinë rosc\u0105.<\/p>\n

SKRZËPICE (z dôleka)<\/i><\/p>\n

Hyc! Hyc!<\/p>\n

ROCZITNICA (zachãcaj\u0105co)<\/i><\/p>\n

Hop! Hop!<\/p>\n

(Diôbelsczé Skrzëpice stoj\u0105 przed Roczitnic\u0105)<\/i>.<\/p>\n

SKRZËPICE<\/p>\n

Përznã skrzëpka, trochã ch\u0142op.<\/p>\n

K\u0142ôniaj\u0105 sã<\/i>.<\/p>\n

ROCZITNICA<\/p>\n

Jak je, tak je:<\/p>\n

Nibë Fidle, Nibë Biés!<\/p>\n

Gdze ce niese, hej pò lasu<\/p>\n

Të graj\u0105cy skrzëpkòbiésu?<\/p>\n

SKRZËPICE<\/p>\n

Diôb\u0142\u00f3m na ne Pùstczi Mëri<\/p>\n

Niosã wejle rôczbã terë,<\/p>\n

\u0141ësô G\u00f3ra, jigrë, smò\u0142a<\/p>\n

Noc szôl\u00f3nô, noc weso\u0142ô<\/p>\n

Ù, ha! ha! Ù ha! ha!<\/p>\n

Biésy Skrzëpk Biésnicom grô!<\/p>\n

ROCZITNICA<\/p>\n

Nié na szabat, sob\u00f3tkã<\/p>\n

Wëgrôj jak\u0105s skòczn\u0105 n\u00f3tkã.<\/p>\n

Swiãtoja\u0144sk\u0105 jasn\u0105 nock\u0105<\/p>\n

Wëgrôj n\u00f3tkã, wëgrôj skòczn\u0105<\/p>\n

Rumbaj dija, rumbaj da<\/p>\n

Radi, radi, u – ha – ha!<\/p>\n

SKRZËPICE<\/p>\n

Nie kusë wr\u00f3\u017ckò, bò ni mògã<\/p>\n

Rozkôz Cotë! Jidã w drogã<\/p>\n

Në jo, piãknô Roczitnico!<\/p>\n

Skrzëpice wëbiegiwaj\u0105<\/i>.<\/p>\n

ROCZITNICA<\/p>\n

Pòtk\u00f3më sã na ksã\u017cëcu!<\/p>\n

Bò dzys zmògô sã dzé\u0144 z noc\u0105<\/p>\n

A mòc dobra ze z\u0142\u0105 mòc\u0105.<\/p>\n

Roczitnica jidze do lasa. Robi sã corôz cemni. Zaczinaj\u0105 swiécëc switczi, a mò\u017ce robôczczi swiãtoja\u0144sczé (!?) – Chto tam wié! Gdzes dalek pòkazëj\u0105 sã cénie Wòjtka i Roczitnika, skôcz\u0105cëch pò bagnie ë do tëch skòk\u00f3w ritmiczno, a z gòrzã spiewaj\u0105cëch:<\/i><\/p>\n

WÒJTK I ROCZITNIK<\/p>\n

Za – ba – wa! Hu – lô – biés!<\/p>\n

Pòd \u00f3l – szka – ma! Mòrz – kù – la -ma!<\/p>\n

Wil – czé ze – lé! Dzë – wi bes!<\/p>\n

WÒJTK<\/p>\n

Zdrzi le, diôble, kòl tëch krzak\u00f3w<\/p>\n

Swiec\u0105 òczë wilkò\u0142ak\u00f3w!<\/p>\n

ROCZITNIK<\/p>\n

Gwësno biésë dëtczi susz\u0105<\/p>\n

Strzébrem, z\u0142otem, chcëwëch kusz\u0105.<\/p>\n

WÒJTK<\/p>\n

Gdze le stãpniesz, tam je zdrada<\/p>\n

Noga w bagno b\u0105dze sadac<\/p>\n

ROCZITNIK (pòmôgô wëdostac sã Wòjtkòwi z bagna)<\/i><\/p>\n

Za – ba – wa! Hu – lô – biés!<\/p>\n

Wil – czé ze – lé! Dzë – wi bes!<\/p>\n

Pò sztërkù ùswiniony b\u0142otã, sapi\u0105cë ë jiszcz\u0105cë sã – Wòjtk ë
\nRoczitnik wchôdaj\u0105 na pierwszi plan<\/i>.<\/p>\n

WÒJTK<\/p>\n

Ale më dostalë w gnôtë<\/p>\n

Mie ja\u017c bòl\u0105 ca\u0142é p\u00f3të!<\/p>\n

ROCZITNIK<\/p>\n

To bë\u0142a diôbleskô n\u00f3ta<\/p>\n

Pò kòlana sedzëc w b\u0142otach<\/p>\n

Brrr<\/p>\n

Òtrzisô sã<\/i>.<\/p>\n

WÒJTK<\/p>\n

A jesz do tegò mëd\u017ci<\/p>\n

Ca\u0142é karna, ca\u0142é nëd\u017ci,<\/p>\n

ROCZITNIK<\/p>\n

Topielëzna, bagnowiszcze<\/p>\n

To ju kr\u00f3tkò pùrtkòwiszcze.<\/p>\n

WÒJTK<\/p>\n

Tërô më sztërk òdpòczniemë<\/p>\n

Ë tobaczczi za\u017cëjemë.<\/p>\n

Czichaj\u0105<\/i>.<\/p>\n

ROCZITNIK<\/p>\n

Niech nama jidze!<\/p>\n

WÒJTK<\/p>\n

Zdr\u00f3wkò!<\/p>\n

WIJTK I ROCZITNIK<\/p>\n

Niech Pùrtk zd\u017cinie!<\/p>\n

Czichaj\u0105 corôz g\u0142osni, scëskaj\u0105 ë sã smiej\u0105. Niespòdzajno wchôdô Bòrowô Cotka-Bòrowica<\/i>.<\/p>\n

BÒROWICA<\/p>\n

Në\u017ce, frantë, kù\u0144c z tim trzôskã<\/p>\n

Bò drzewiãta pùd\u0105 z lôska,<\/p>\n

Sarnë, jelénie ë dzëczi<\/p>\n

Jak wa b\u0105dzeta tak rëczëc.<\/p>\n

WÒJTK<\/p>\n

Wëbôczce, Bòrowô Cotko<\/p>\n

Proszã tu tobaczi, chùtkò.<\/p>\n

ROCZITNIK<\/p>\n

Terô mdzemë czichac cëchò:<\/p>\n

Niech las rosce<\/p>\n

Niech z\u0142i niechô.<\/p>\n

BÒROWICA<\/p>\n

Tedë sëpni wiôld\u017ci sôrk.<\/p>\n

(pòcygô, chce czichac cëchò, le to ji nie wëchôdô)<\/i><\/p>\n

Ala \u017ce z tobak\u0105, Pùrtk!<\/p>\n

WÒJTK<\/p>\n

Dôjta miészk, to jô òdsëpiã<\/p>\n

Niech wami plu\u017ci, w nos szczipie.<\/p>\n

BÒROWICA<\/p>\n

Dzãkùjã ce wiele razy.<\/p>\n

A gdzesz të tak dzysô \u0142azysz?<\/p>\n

WÒJTK<\/p>\n

Jô dzys jidã z Roczitnikã<\/p>\n

Ù diôblin\u00f3w skrzëpic szëkac.<\/p>\n

BÒROWICA<\/p>\n

Kùsy Pùrtk wej z ba\u0144d\u0105 ca\u0142\u0105<\/p>\n

W gòscy\u0144cu balëj\u0105 smia\u0142o.<\/p>\n

WÒJTK<\/p>\n

Tej jidzmë do gòscy\u0144ca!<\/p>\n

ROCZITNIK<\/p>\n

Hene kòle sm\u00f3lnika!<\/p>\n

BÒROWICA<\/p>\n

Nim pùdzesz – chcemë so za\u017cëc.<\/p>\n

Nã tobakã b\u0105dã czarzëc.<\/p>\n

(bierze òd Wòjtka r\u00f3\u017ck z tobak\u0105)<\/i><\/p>\n

Pùrtka zelé, Pùrtka zelé<\/p>\n

Zjinaczi nen swiat na zelé\u0144.<\/p>\n

(òddôwô Wòjtkòwi r\u00f3\u017ck)<\/i><\/p>\n

Jak le dôsz Diôblinie za\u017cëc<\/p>\n

Tej òbôczisz co sã zdarzi<\/p>\n

– Wej wszëtkò pùdze w zeloné.<\/p>\n

WÒJTK<\/p>\n

Dzãkùjemë, biwôj zdrowa<\/p>\n

Të Bòrowico bòrowô.<\/p>\n

ROCZITNIK<\/p>\n

Spiekl\u00f3nô, òj spiekl\u00f3nô<\/p>\n

Tobaka zaczarz\u00f3nô!<\/p>\n

Wòjtk ë Roczitnik wëlôtiwaj\u0105<\/i>.<\/p>\n

BÒROWICA<\/p>\n

Pùrtka zelé, Pùrtka zelé<\/p>\n

Zjinaczi nen swiat na zelé\u0144.<\/p>\n

Z zaklãcym òdchôdô w las<\/i>.<\/p>\n

GÒSCY\u0143C<\/b><\/p>\n

Diôb\u0142ë pij\u0105 i spiewaj\u0105. Gòscynny jima ùs\u0142u\u017cëwô<\/i>.<\/p>\n

DIÔB\u0141Ë (spiewaj\u0105:)<\/i><\/p>\n

Pije Skam\u017coch do Mam\u00f3na<\/p>\n

Mam\u00f3n do Diôblina<\/p>\n

Pije Zgrzécha do Smòl\u00f3ka<\/p>\n

A Smòl\u00f3k do Pùrtka.<\/p>\n

GÒSCYNNY<\/p>\n

A czej wëpij\u0105<\/p>\n

To mòcno sã bij\u0105<\/p>\n

Rumbôj dija, rumbôj dija<\/p>\n

Ale sã mòcno bij\u0105!<\/p>\n

Dôb\u0142ë zaczinaj\u0105 sã bic, kùfle lôtaj\u0105 w pòwietrzim, w ca\u0142oscë je rajbach. Wlôtiwô Latawc<\/i>.<\/p>\n

SMÒL\u00d3K<\/p>\n

Latawc, latawc, terô przësz\u0142a twòja kòléj<\/p>\n

Czej nie pòstawisz ùtopimë ce w smòle.<\/p>\n

LATAWC<\/p>\n

Ju cë sã Smòl\u00f3kù, tãgò g\u0142owa cziwô<\/p>\n

Niech wama b\u0105dze – jô stôwi\u00f3m beczkã piwa.<\/p>\n

GÒSCYNNY<\/p>\n

Nie dôm ani piwa, ani gòrzô\u0142czi.<\/p>\n

A gdze dëtczi, ò nich të Diôblë mô\u0142czisz?<\/p>\n

LATAWC<\/p>\n

D\u00f3m m\u00f3dn\u0105 parukã<\/p>\n

Mòcné kòrczi jiné<\/p>\n

Na g\u0142owa ë nod\u017ci<\/p>\n

Dlô wastnë Gòscynny.<\/p>\n

Jesz do te bursztinë<\/p>\n

Jak z\u0142oté gwôzdeczczi<\/p>\n

Na szëjã snô\u017cëchn\u0105<\/p>\n

Pannë Gòscynneczczi.<\/p>\n

GÒSCYNNY (pò namëszlenim)<\/i><\/p>\n

Dôj paruka zarô<\/p>\n

Baba mie wëwtôrzô<\/p>\n

\u017be ji zemno baro<\/p>\n

W ùszë ë gajdinë.<\/p>\n

A znôù wastineczka<\/p>\n

Jak to panieneczka<\/p>\n

Chca bë miec pôc\u00f3rczi<\/p>\n

Bùrsztinowé sznurczi.<\/p>\n

LATAWC<\/p>\n

Në tej niech sã tu kùlô<\/p>\n

Ca\u0142ô beczka te piwa<\/p>\n

Niech bùrsztinë smùl\u0105<\/p>\n

Szëjã ny piãkny dzéwë!<\/p>\n

Beczka sã kùlô, Gòscynny wëchôdô z darnënkama dlô bia\u0142czi ë c\u00f3rczi<\/i>.<\/p>\n

DIÔB\u0141Ë<\/p>\n

Hej\u017ce, hej\u017ce, Pùrtkù,<\/p>\n

Wej pôli sã piek\u0142o <\/p>\n

Diôb\u0142e w kòzym n\u00f3rtkù<\/p>\n

Jednym sã ùpiek\u0142o.<\/p>\n

Zgrzécha cygnie Pùrtka za òg\u00f3n<\/i>.<\/p>\n

PURTK<\/p>\n

Le mie biôj, të Zgrzéchò,<\/p>\n

Òd mòjégò përca.<\/p>\n

B\u0105dze z tob\u0105 lëchò<\/p>\n

Gôd\u00f3m to òd sërca.<\/p>\n

DIÔB\u0141Ë<\/p>\n

Hej, Gòscynny, léj piweczkò<\/p>\n

Zapisz na scanie<\/p>\n

Zap\u0142acy to kòchaneczka<\/p>\n

Jak j\u0105 dostanã<\/p>\n

Rumbôj dija, rumbôj dana<\/p>\n

Kòchaneczkò ùkoch\u00f3nô!<\/p>\n

Kùfle zaczinaj\u0105 lôtac ë ò diôbelsczé \u0142epë szturac. Ta\u0144cëj\u0105 Diôb\u0142ë, ta\u0144cëj\u0105 Beczczi, co wkùla\u0142ë sã ze sklepù Gòscynnégò. Kùfle szturaj\u0105 ò \u0142epë Diôb\u0142\u00f3w, szturaj\u0105 o beczczi, tak jakbë bë\u0142ë spe\u0142niw\u00f3né toastë. Diôb\u0142é chc\u0105 pic dali – kùfle jima ùcékaj\u0105, beczczi zastôwiaj\u0105 drogã. W ca\u0142oscë je niepòrz\u0105dk, rozwôlanié gòscy\u0144ca. Wnëkiwô ùrzas\u0142i Gòscynny<\/i>.<\/p>\n

GÒSCYNNY<\/p>\n

Jeny! Co sã tu dzeje?<\/p>\n

PÙRTK<\/p>\n

Kùsy Pùrtk dzys szôleje!<\/p>\n

ZGRZÉCHA (cygnie Mam\u00f3na za òg\u00f3n)<\/i><\/p>\n

Mam\u00f3n, Mam\u00f3n, skriwôj òg\u00f3n<\/p>\n

Wëcygôj dëtczi<\/p>\n

Mùszisz p\u0142acëc Gòscynnémù<\/p>\n

Za naszé zbëtczi.<\/p>\n

MAM\u00d3N<\/p>\n

Zap\u0142acymë, zap\u0142acymë na jesé\u0144<\/p>\n

Czej òz\u0142oc\u0105 sã drzewa w lese.<\/p>\n

PÙRTK<\/p>\n

Zap\u0142acymë, zap\u0142acymë kòl jeseni<\/p>\n

Czej sã nam b\u0142oto w Z\u0142oto przemieni.<\/p>\n

GÒSCYNNY<\/p>\n

Në, nie wëpkùj diôble kùsy<\/p>\n

Dôwôj dëtczi abò bùksë.<\/p>\n

DIÔB\u0141Ë<\/p>\n

Czë\u0142 të terô, Pùrtkù brzëdczi –<\/p>\n

Abò bùksë, abò dëtczi<\/p>\n

PÙRTK<\/p>\n

Czë ce to nijak nie razy<\/p>\n

Bë bez bùks\u00f3w diôbe\u0142 \u0142azy\u0142,<\/p>\n

Co jinégò bë\u0142o w raju…<\/p>\n

Na Kaszëbach nié w zwëczaju<\/p>\n

DIÔB\u0141Ë<\/p>\n

Hej Diôb\u0142ë jo wama pòwiém:<\/p>\n

Za Gòscynnégò zdrowié!<\/p>\n

MAM\u00d3N<\/p>\n

\u017bëcé baro zdrowié lëdô<\/p>\n

Niech le pie\u0144dze w diôb\u0142ë jid\u0105.<\/p>\n

DIÔB\u0141Ë<\/p>\n

Pijmë, pijmë rumbôj dana<\/p>\n

òd wieczora ja\u017c do rana.<\/p>\n

GÒSCYNNY<\/p>\n

A jô òd rana do rana<\/p>\n

Do Lëcëpra, òj dana, òj dana<\/p>\n

Napiszã skargã ë tam pùdã<\/p>\n

Przez wòdë, szkòda gôdac.<\/p>\n

Diôb\u0142ë wk\u00f3\u0142 òbchôdaj\u0105 Gòscynnégò – tu\u0144cëj\u0105 ë spiewaj\u0105.<\/i><\/p>\n

DIÔB\u0141Ë<\/p>\n

Nié, Gòscynny, nié do piek\u0142a<\/p>\n

Nié, Gòscynny, nié do piek\u0142a<\/p>\n

Tam je takô hëc ja\u017c wscek\u0142ô<\/p>\n

I… rumbôj dija, rumbôj da!<\/p>\n

GÒSCYNNY (nëkô Diôb\u0142\u00f3w ë spiewô)<\/i><\/p>\n

Na\u017carté czurtë jidzta précz,<\/p>\n

Na\u017carté czurtë jidzta précz<\/p>\n

Jak nie òddôta, mdzë lëchò,<\/p>\n

Tej sprzed\u00f3m piek\u0142o, kùpiã chëcz!<\/p>\n

PÙRTK<\/p>\n

Pòmëslënk je baro g\u0142upi!<\/p>\n

Chto cë dzysô piek\u0142o kùpi?<\/p>\n

Diôb\u0142é rikaj\u0105 òd smiéchù. Timczasã kòl dwiérzi czëc je klepanié ë brzãczenié Diôbelsczich Skrzëpic.<\/i><\/p>\n

GÒSCYNNY<\/p>\n

Chto tam je?<\/p>\n

SKRZËPICE<\/p>\n

Pòs\u0142a\u0144c òd tëch czarzelnic\u00f3w<\/p>\n

Hewò rôczbã m\u00f3m dlô waju<\/p>\n

Diôb\u0142ë, Pùrtczi ni ma wic\u00f3w<\/p>\n

Dzys na \u0141ësy, dzys maj\u0105<\/p>\n

Czarzelnice szabat, szabat<\/p>\n

Rumbôj dija, raba, raba!<\/p>\n

Skrzëpice graj\u0105. Diôb\u0142ë sã kr\u0105c\u0105.<\/p>\n

PÙRTK<\/p>\n

Zdrzi, G\u00f3scynny, to cë je grajk<\/p>\n

Fidlikùje jak jaczi zajk.<\/p>\n

A Skrzëpice dérno graj\u0105,<\/p>\n

Diôb\u0142e so w tu\u0144cë nëkaj\u0105.<\/p>\n

A òn zwòni ë brzãczkùje<\/p>\n

Czarzi, bãbni, ginglotuje.<\/p>\n

W gòscy\u0144cu wej bë sã przëdô\u0142<\/p>\n

Taczi grajny, taczi jeden!<\/p>\n

Piek\u0142o òstawi na bòkù<\/p>\n

Wez le grajka ë dôj pòkù.<\/p>\n

SKRZËPICE<\/p>\n

Czë to wajé g\u0142ëpé szpòrtë,<\/p>\n

Czë waj przeniéwiérnosc, czurtë?<\/p>\n

PÙRTK<\/p>\n

Òstani w gòscy\u0144cu, sedzë<\/p>\n

Më jã brëkùjem w ny biédze.<\/p>\n

Wicy trzôskù, corôz g\u0142osni<\/p>\n

Jôchù, jôchù, nama rosni!<\/p>\n

DIÔB\u0141Ë<\/p>\n

Rumbôj dija, rumbôj d\u00f3nô<\/p>\n

Diskòteka rozwrzeszcz\u00f3nô!<\/p>\n

GÒSCYNNY<\/p>\n

Në tej Skrzëpice s\u0105 mòje<\/p>\n

A wa r\u0105ter st\u0105dka, co je!?<\/p>\n

DIÔB\u0141Ë<\/p>\n

W g\u00f3rã tëpë, w g\u00f3rë rod\u017ci<\/p>\n

Ë na \u0141ës\u0105 G\u00f3rã, w nod\u017ci!<\/p>\n

Ju hù!<\/p>\n

Nëkaj\u0105 z gòscy\u0144ca. Gòscynny wk\u0142ôdô skrzëpice do pùsti beczczi, prawie tak, \u017ce jima je widzec le g\u0142owã.<\/i><\/p>\n

GÒSCYNNY<\/p>\n

W dzé\u0144 b\u0105dzesz straszi\u0142 wr\u00f3ble na pòlach,<\/p>\n

W nocë mdzesz grô\u0142 ë spiewô\u0142 w swawòlach.<\/p>\n

A terô w gòscy\u0144cu le òpasuj<\/p>\n

Jô mùszã do Kartuz, pò zapasë.<\/p>\n

Wëchôdô. Przez òkn\u0105 zdrz\u0105 Roczitnik ë Wòjtk.<\/i><\/p>\n

ROCZITNIK<\/p>\n

Òn bë przedô\u0142, przedô\u0142<\/p>\n

Za sklonkã kòrnusa<\/p>\n

Ne Skrzëpice wëdô\u0142<\/p>\n

Diôbelsczégò kùsa.<\/p>\n

WÒJTK<\/p>\n

Zamieni\u0142ë pòs\u0142a\u0144ca na zôrãcznika<\/p>\n

Skrzëpice pòbrzãklëwé, gdze je mùzyka?<\/p>\n

SKRZËPICE<\/p>\n

Nie chcã ptôch\u00f3w straszëc, ani tuwò grac<\/p>\n

Òdemknita dwiérze – mdã st\u0105dka nëkac.<\/p>\n

Wòjtk ë Roczitnik wchôdaj\u0105 bënë.<\/p>\n

ROCZITNIK<\/p>\n

Dok\u0105dka dzywny mùzykù<\/p>\n

Pò co st\u0105dka të môsz zmikac.<\/p>\n

Ani diôb\u0142\u00f3w, ani lëdzy –<\/p>\n

Dlô kògù b\u0105dzesz sã biédzy\u0142?<\/p>\n

SKRZËPICE<\/p>\n

Tridi radi, rôd nie rôd<\/p>\n

R\u00f3wnak pùda sobie st\u0105d!<\/p>\n

WÒJTK<\/p>\n

Òstawi z\u0142ich, z nama b\u0105dze,<\/p>\n

Stani dzysô w jednym rz\u0105dze.<\/p>\n

\u017bebë diôb\u0142ë ce nie wzã\u0142ë<\/p>\n

Do naju karna wst\u0105p smia\u0142o.<\/p>\n

Wòjtk pòmôgô wëdostac së Diôbelsczim Skrzëpicom z beczczi.<\/i><\/p>\n

SKRZËPICE<\/p>\n

Niech tak b\u0105dze, jidã z wama<\/p>\n

WÒJTK (do Roczitnika)<\/i><\/p>\n

Wejle k\u0142obùk z brzãczëd\u0142ama,<\/p>\n

Z pãkã tëch farwnëch blewi\u0105zk\u00f3w<\/p>\n

Rozmajitëch szléfk\u00f3w, st\u0105\u017ck\u00f3w!<\/p>\n

ROCZITNIK<\/p>\n

Chcemë leno, chcemë leno<\/p>\n

Rumbôj d\u00f3ta<\/p>\n

Przëstrojic do grajk\u00f3w karna<\/p>\n

Naj kamrôta.<\/p>\n

WÒJTK<\/p>\n

Ùpiãkszimë, przëstrojimë òd nowa,<\/p>\n

\u017bebë na nie chca\u0142ë pannë czikrowac.<\/p>\n

Wòjtk ë Roczitnik stroj\u0105 Diôbelsczé Skrzëpice.<\/i><\/p>\n

SKRZËPICE<\/p>\n

Tr\u0105dle jesz s\u0105 w g\u0142owie<\/p>\n

W brzëchù grô mùzyka<\/p>\n

Graje, dudni, zwòni<\/p>\n

W Diôbelsczich Skrzëpicach<\/p>\n

Wszëtkò wëspiewô ë wëgraje<\/p>\n

Nen dzëwi zaczarzony grajek.<\/p>\n

ROCZITNIK<\/p>\n

Tej na lëdow\u0105, na skòczn\u0105 n\u00f3tkã:<\/p>\n

Szewca, biésowégò ë… na sob\u00f3tkã…<\/p>\n

Roczitnik ë Skrzëpice chc\u0105 nëkac, ale drogã zastôwiô jima Wòjtk.<\/i><\/p>\n

WÒJTK<\/p>\n

St\u00f3jta! Jesz achtn\u0105c mùszimë<\/p>\n

Wastnã. Co ji òstawimë?<\/p>\n

Mò\u017ce tedë na òkrasã<\/p>\n

Za Skrzëpice Bùrczibasa?<\/p>\n

ROCZITNIK<\/p>\n

To bë bë\u0142o widza\u0142o <\/p>\n

Z tim to cë sã ùda\u0142o!<\/p>\n

WÒJTK<\/p>\n

Hej, Roczitnik, k\u00f3\u0144sczi òg\u00f3n!<\/p>\n

ROCZITNIK<\/p>\n

Zarô mdã gò czarowô\u0142!<\/p>\n

Wëbiégô ë decht prawie wr\u00f3cô z kò\u0144sczim ògònã.<\/p>\n

WÒJTK<\/p>\n

K\u0142adze w beczkã, leje wòd\u0105<\/p>\n

(do Skrzëpic)<\/i><\/p>\n

Të mù mëlodëjã pòdôj!<\/p>\n

Roczitnik òd razu robi tak jak mù kô\u017c\u0105. Wòjtk zaczinô cygn\u0105c za wëstaj\u0105cy z beczczi òg\u00f3n. Roczitnik pòléwô gò wòd\u0105. Tak chutko zrobiony Bùrczibas zaczino pòbùrkiwac. Sklrzëpice cëchò brzãcz\u0105, jakbë chca\u0142ë dodac Bùrczibasowi dëcha.<\/i><\/p>\n

WÒJTK<\/p>\n

Në òn ju rozmieje grac<\/p>\n

Tej muszimë st\u0105dka wiac.<\/p>\n

ROCZITNIK<\/p>\n

Wiej leno wiej, wiej le wiej<\/p>\n

Ë na òg\u00f3n wòdë lij.<\/p>\n

Wëbiégô w ritm dzywny mùzyczi Bùrczibasa, wiatru ë brzãdzeniô nëkaj\u0105cëch Diôbelsczich Skrzëpic. Wiater zamikô gòscy\u0144c, chtërny znikô w westrz\u00f3dkù nadchodz\u0105cégò na pierwszi plan lasu.<\/i><\/p>\n

DZÉWCZÔ G\u00d3RA<\/b><\/p>\n

Z dôleka je czëc spiewanié. Wchôdô Roczitnica, pòprawiô dekòracëjã. Rëchtuje las do maj\u0105cëch s\u0105 rozegrac òbrôzk\u00f3w.<\/i><\/p>\n

ROCZITNICA<\/p>\n

Òj, na jezoro, na g\u0142ãbòczi<\/p>\n

Ë na las, na zeloné<\/p>\n

Hej, zapôl\u0105 sob\u00f3tkã<\/p>\n

Òd\u017cin-Wid b\u0105dze badac:<\/p>\n

Gdze kòchanié, gdze zdrada<\/p>\n

Kòmù redosc, kòmù \u017côle.<\/p>\n

Wpôdô Barbôrka. òbzérô sã na wszëtczé stronë.<\/i><\/p>\n

ROCZITNICA<\/p>\n

Gdze tak nëkôsz, piãknô Barbôrkò?<\/p>\n

BARBÔRKA<\/p>\n

Szczescô szuk\u00f3m, Roczitnico-Gùslôrkò<\/p>\n

ROCZITNICA<\/p>\n

Cemnym lasã, sama, jedinô?<\/p>\n

Dzywnô z cebie dzéwka trina.<\/p>\n

BARBÔRKA<\/p>\n

Sama jedninô, jedinô w cemnym lese<\/p>\n

B\u0142\u0105dzã, szuk\u00f3m…gdze nen Wòjtk skrzëpice niese.<\/p>\n

ROCZITNICA<\/p>\n

A gdze të gò wës\u0142a\u0142a pò ne skrzëpice?<\/p>\n

Czë do jawòra?<\/p>\n

BARBÔRKA<\/p>\n

Nié.<\/p>\n

ROCZITNICA<\/p>\n

Tej do lëpi\u0144ca!<\/p>\n

BARBÔRKA (zjakòsa\u0142ô)<\/i><\/p>\n

Do nëch diôb\u0142\u00f3w… tak sobie… dlô szpòrtu…<\/p>\n

A òn do piek\u0142a, kòzé\u0142 ùpiarti!<\/p>\n

ROCZITNICA<\/p>\n

Mò\u017ce òn mô knôpa ùrzeczony<\/p>\n

Zeloné òczë mù doprawioné<\/p>\n

A terôskù z diôb\u0142ama so miészô<\/p>\n

Ë Mam\u00f3nowi pie\u0144dze przesëszô.<\/p>\n

BARBÔRKA<\/p>\n

Wej, ju lecã! Z diôb\u0142a sk\u00f3rã scygnã!<\/p>\n

Ë za niã Wòjtka z piek\u0142a wëcygnã.<\/p>\n

Nëkô.<\/p>\n

ROCZITNICA<\/p>\n

Dzewùsë, dzewùsë òbarchnia\u0142é<\/p>\n

Mdzesz miô\u0142, Wòjtkù, bia\u0142kã òg\u0142ëpia\u0142\u0105.<\/p>\n

(òdchôdô do lasa a pòwtôrzô sobie ë drzew\u00f3m)<\/i><\/p>\n

Òd\u017cin-Wid b\u0105dze badac:<\/p>\n

Gdze kòchanié, gdze zdrada.<\/p>\n

Pò sztërkù na miotlëcë abò na jaczis jiny tërlece przëlatëje Latawica. Nie je do ku\u0144ca òblôk\u0142ô, je na b\u00f3sôka, na g\u0142owie mô czile biédnëch pailot\u00f3w.<\/i><\/p>\n

LATAWICA<\/p>\n

Wiecz\u00f3r sã do nocë schilô<\/p>\n

Ni ma czasu ani chwilë<\/p>\n

A jô \u0142ësô, a jô bòsô<\/p>\n

Jak\u017ce sã pòkôzã biésom.<\/p>\n

Przëlatëje Biésnica.<\/i><\/p>\n

LATAWICA<\/p>\n

Hej, Biésnico, të jes czë\u0142a?<\/p>\n

Czë nie furgn\u0105\u0142 Latawc tuwò?<\/p>\n

BIÉSNICA<\/p>\n

Szãtopiérz, biéda furgnã\u0142a<\/p>\n

Latawca jem nie widza\u0142a.<\/p>\n

(konspiracëjno ë przekãsno)<\/i><\/p>\n

Wiém, \u017ce w gòscy\u0144cu gùtorzë\u0142,<\/p>\n

Z drëchama pi\u0142 piwò, sto\u017cë\u0142,<\/p>\n

Tej jak wrôcô\u0142 òd Wejrowa.<\/p>\n

LATAWICA<\/p>\n

Chto ce to gôdô\u0142?<\/p>\n

BIÉSNICA<\/p>\n

Gòscynnô.<\/p>\n

LATAWICA<\/p>\n

A czim\u017ce p\u0142acy\u0142 za piwo?<\/p>\n

BIÉSNICA<\/p>\n

Bùrsztinama, kò tak biwô!<\/p>\n

LATAWICA<\/p>\n

Co të rzeczesz? Bùrsztinama?<\/p>\n

BIÉSNICA (ja\u017c ni mò\u017ce skric zadowòleniô)<\/i><\/p>\n

Ë paruk\u0105, ë kòrkama.<\/p>\n

LATAWICA<\/p>\n

Lecã szukac negò draba,<\/p>\n

Ale mdzesz miô\u0142 dzysô szabat!<\/p>\n

Wëlatiwô.<\/i><\/p>\n

BIÉSNICA<\/p>\n

Ale wscek\u0142ô, ale z\u0142ô!<\/p>\n

Rumbaj dija, h\u00f3, h\u00f3, h\u00f3!<\/p>\n

Wpôdô \u0141iska, a za ni\u0105 jiné Biésnice.<\/i><\/p>\n

\u0141ISKA<\/p>\n

\u0141ësô pùstô, dzëwé lasë<\/p>\n

Gdze\u017c s\u0105 te Pùrtczi, wërwasë?<\/p>\n

BIÉSNICA<\/p>\n

Wiém, \u017ce w gòscy\u0144cu fest pilë.<\/p>\n

\u0141ISKA<\/p>\n

Gwësno stegnë pògùbilë.<\/p>\n

BRZËDOLNICA<\/p>\n

Chcemë jich szukac!<\/p>\n

\u0141ISKA<\/p>\n

Hej sostrzëce<\/p>\n

Czarownice, Latawice.<\/p>\n

Dali, dali za Pùrtkama<\/p>\n

Mdzemë walëc miotlëcama.<\/p>\n

Wszëtczé Biésnice wëlatiwaj\u0105 \u017cebë szukac Pùrtk\u00f3w. Pò sztërkù ùczajôszkã wbiegiwaj\u0105: Wòjtk, Diôbelsczé Skrzëpice ë Roczitnik.<\/i><\/p>\n

ROCZITNIK (òbzérô sã ë cknie)<\/i><\/p>\n

Tu gdzes s\u0105 Biésnice chi\u017cé<\/p>\n

Mie sã zdaje corô\u017c blë\u017ci.<\/p>\n

WÒJTK<\/p>\n

Chòwôj skrzëpice, nëkôj w krzaczi?<\/p>\n

ROCZITNIK<\/p>\n

A të co?<\/p>\n

WÒJTK<\/p>\n

D\u00f3m jima tobaczi.<\/p>\n

Roczitnik ë Skrzëpice skriwaj\u0105 sã. Wòjtk, ùdaj\u0105cë, \u017ce szukô kwiatu parpacë spiewô.<\/i><\/p>\n

WÒJTK<\/p>\n

Tobaka, tobaka<\/p>\n

Wòniaj\u0105cé zelé<\/p>\n

Na swi\u0105tk, na pi\u0105tk<\/p>\n

Ë na niedzelã.<\/p>\n

Smãtkom ë smùtkom<\/p>\n

Chãtno pòmò\u017cé<\/p>\n

Nen baranowi<\/p>\n

Z tobaczk\u0105 r\u00f3\u017ck<\/p>\n

Na swi\u0105tk, na pi\u0105tk<\/p>\n

Ë na niedzelã<\/p>\n

Tobaka, tobaka<\/p>\n

Wòniaj\u0105cé zelé.<\/p>\n

Wpôdaj\u0105 Biésnice na miotlëcach ë òbtôczaj\u0105 Wòjtka kò\u0142ã.<\/i><\/p>\n

BIÉSNICA<\/p>\n

Midzë gaje, midzë drzewa<\/p>\n

Chtos tu ò tobace spiewô.<\/p>\n

WÒJTK<\/p>\n

To jô jem. Wòjtk ze wsë Wdzydze.<\/p>\n

BIÉSNICA<\/p>\n

Noc\u0105 w lese?<\/p>\n

WÒJTK<\/p>\n

Zbiér\u00f3m ridze.<\/p>\n

BIÉSNICA<\/p>\n

Në, Knôpkù, z szôlon\u0105 g\u0142ow\u0105<\/p>\n

Chcesz ridze w noc czerwi\u0144cow\u0105?<\/p>\n

WÒJTK<\/p>\n

Bò mie parpac nie wëros\u0142a<\/p>\n

A dzéwka z jinyma pòsz\u0142a<\/p>\n

Na sob\u00f3tkã, na mùzykã<\/p>\n

Tej jô grzëb\u00f3w w trôwie szuk\u00f3m.<\/p>\n

Jidã midzë gaje, drzewa<\/p>\n

Ò tobaccze sobie spiewac.<\/p>\n

BIÉSNICA<\/p>\n

Në\u017ce të wdzydzczi Wòjtkù<\/p>\n

Tej na miotlëcã pòj tu!<\/p>\n

Szabat, szabat na \u0141ësy G\u00f3rze<\/p>\n

Òstaw parpac ë dzëczé r\u00f3\u017ce.<\/p>\n

BIÉSNICE (spiewaj\u0105 i tu\u0144cej\u0105 zalécaj\u0105cé sã do Wòjtka)<\/i><\/p>\n

Smãtk\u00f3m ë smùtk\u00f3m chãtno pòmò\u017cé<\/p>\n

Baranowi tobaczny r\u00f3\u017ck mò\u017ce.<\/p>\n

Na swi\u0105tk, na pi\u0105tk ë na niedzelã<\/p>\n

Tobaka, tobaka, to zelé.<\/p>\n

WÒJTK<\/p>\n

Zanim pòlecymë w chmùrë<\/p>\n

Sôrk tobaczi, diôblé c\u00f3rë.<\/p>\n

Stanita kò\u0142ã, kò\u0142ã zaklãtim<\/p>\n

Niech tobaka pùdze wama w piãtë.<\/p>\n

Wòjtk wëcygô r\u00f3\u017ck i daje za\u017cëwac pòcobic\u0105 Czarownicom.<\/i><\/p>\n

WÒJTK<\/p>\n

Zelé, zelé, zeleni, zeleni<\/p>\n

Na zeloné wszëtkò sã przemieni.<\/p>\n

Na swi\u0105tk, na pi\u0105tk ë na niedzelã<\/p>\n

Tobaka, tobaka, to zelé.<\/p>\n

Wszëtczé Biésnice narôz spe\u0142niwaj\u0105 toast tobak\u0105. W ca\u0142oscë czich je jak z mòzdzérza. Robi sã cemno. W cemoscë dochôdô g\u0142os Roczitnicë.<\/i><\/p>\n

ROCZITNICA<\/p>\n

Nie leno rosc\u0105 jak \u00f3lczi czësto<\/p>\n

Niech zaszëmi\u0105 wierzbòw\u0105 rozest\u0105<\/p>\n

Bò dzysô biôtkùje sã dzé\u0144 z noc\u0105<\/p>\n

A mòc dobrô biôtczi ze z\u0142\u0105 mòc\u0105.<\/p>\n

Wr\u00f3cô wid. Na placu Czarownic\u00f3w pòkazëj\u0105 sã \u00d3lszczi, w jaczé Biésnice òsta\u0142é zmienioné.<\/i><\/p>\n

ROCZITNIK<\/p>\n

A terô grôj, grajku<\/p>\n

A las niech spiewô<\/p>\n

Czej tu\u0144cz\u0105 Biésnice<\/p>\n

Zamienioné w drzewo.<\/p>\n

Pòchada Biésnic\u00f3w-òlszk\u00f3w prowadzonô przez Skrzëpice ë Roczitnika jidze i spiewô.<\/i><\/p>\n

CH\u00d3R<\/p>\n

Wano\u017ci\u0142ë Biésnice stegnama<\/p>\n

Stôwa\u0142ë sã nad wòd\u0105 \u00f3lszkama<\/p>\n

Robi\u0142ë tam czarë nad czarama<\/p>\n

Wëprôwia\u0142ë z tima bùrsztinama.<\/p>\n

Pòchada Biésnic\u00f3w d\u017cinie. Wòjtk za nima zdrzi.<\/i><\/p>\n

WÒJTK<\/p>\n

Nie mdzeta ji wicy dzecë straszëc<\/p>\n

Nie mdzeta sëpac piôskù do kaszë<\/p>\n

Nie mdzeta mléka òdbiérac krow\u00f3m<\/p>\n

Zadrzewita \u0141ës\u0105 nad n\u0105 wòd\u0105.<\/p>\n

Czej Wòjtk to gôdô wnym slôdë pòdkrôdaj\u0105 sã Diôb\u0142ë.<\/i><\/p>\n

PÙRTK<\/p>\n

Hej Skarb\u00f3wc, Mam\u00f3n, Zagrzécha<\/p>\n

Në\u017ce, dali na Wòjcecha<\/p>\n

Smòl\u00f3k, Diôblin, Przechéra<\/p>\n

Në\u017ce, dali…Tyralier\u0105!<\/p>\n

PÙRTK<\/p>\n

Napôdac! Napôdac!<\/p>\n

Rog\u00f3w, kòpët\u00f3w nie \u017ca\u0142owac!<\/p>\n

Atakòwanié Diôb\u0142\u00f3w je corôz wikszé. Nëkanié. òbchôdaj\u0105 Wòjtka.<\/i><\/p>\n

DIÔB\u0141Ë<\/p>\n

Nie ùcekniesz, mië\u0142i ptôszkù<\/p>\n

Pòj do piek\u0142a, pòj Wòjtôszkù.<\/p>\n

Wpôdô Barbôrka.<\/p>\n

BARBÔRKA<\/p>\n

Në\u017ce Pùrtczi, diôb\u0142é wscek\u0142é<\/p>\n

B\u0105dzeta wa straszëc piek\u0142ã?<\/p>\n

St\u00f3j, Diôblinie, Pùrtkù st\u00f3j!<\/p>\n

Nie d\u00f3m Wòjtka, òn je m\u00f3j!<\/p>\n

Zas\u0142ôniô sob\u0105 Wòjtka. Diôb\u0142ë òkr\u0105\u017cëwaj\u0105 Barbôrkã ë Wòjtka.<\/i><\/p>\n

MAM\u00d3N<\/p>\n

Zdrzéta, zdrzéta, jistny dzéw!<\/p>\n

PIECZELNIK<\/p>\n

To je ti Barbôrczi spiéw.<\/p>\n

LATAWC<\/p>\n

To ta spòsobnô<\/p>\n

PASKÙDNIK<\/p>\n

To ta szëkòwnô…<\/p>\n

PÙRTK<\/p>\n

Ej\u017ce, wëlechnô, dôj kùszka!<\/p>\n

Pùrtk chce Barbôrka kùszn\u0105c. Wòjt wëcënô w jegò diôbli pësk, tak mòcno, \u017ce ja\u017c Pùrtk sã przewrôcô. Dôb\u0142ë sã smiej\u0105.<\/i><\/p>\n

WÒJTK<\/p>\n

M\u00f3sz tu kùszka, to je w gãbã<\/p>\n

Rechùj terô swòje zãbë<\/p>\n

DIÔB\u0141Ë (krzikaj\u0105 z redotë)<\/i><\/p>\n

Zdrzéta co to za pòmiana<\/p>\n

Dostô\u0142 w gãbã na przemianã!<\/p>\n

Pùrt pòdnôrzô sã z zemi ë wrzeszczi. Përznã cã\u017ckò jidze mù z dikcëj\u0105.<\/i><\/p>\n

PÙRTK<\/p>\n

Czegò rëczisz, jeden z drëd\u017cim<\/p>\n

Do robòtë, diôblé s\u0142ud\u017ci!<\/p>\n

\u0141apac, wi\u0105zac ë za karã<\/p>\n

W piek\u0142o Wòjtka ë Barbara!<\/p>\n

Diôb\u0142ë òprzestôwaj\u0105 sã smiôc. òkr\u0105\u017cëwaj\u0105 Wòjtka ë Barbôrkã corôz bar\u017ci zacësniaj\u0105cé kò\u0142o. Krzikaj\u0105. Jim d\u0142ë\u017ci, tim jich je corôz wicy.<\/i><\/p>\n

DIÔB\u0141Ë<\/p>\n

Pùrtk,<\/p>\n

Smãntk,<\/p>\n

Skarb\u00f3wc,<\/p>\n

Zgrzëdlôk,<\/p>\n

Zgrzécha,<\/p>\n

Latawc,<\/p>\n

Mam\u00f3n,<\/p>\n

Skam\u017coch,<\/p>\n

Diôblin,<\/p>\n

Pieczelnik,<\/p>\n

Smòl\u00f3k,<\/p>\n

Paskùdnik…<\/p>\n

Ju ni ma widzec w ti ùrmie Wòjtka ë Barbôrczi. Diôb\u0142ë wëlôzaj\u0105cé spòd zemi wszëtkò zas\u0142oniaj\u0105. Robi sã corôz cemni. Wnym, nad kl\u00f3nama ùkazëj\u0105 sã Biô\u0142é Dëchë: Dëch Skrzëpic ë Ani\u00f3\u0142ek Str\u00f3\u017c Skrzëpicznégò Dëcha.<\/i><\/p>\n

DËCHË<\/p>\n

St\u00f3jta, pieczelné mòce!<\/p>\n

Dzysô naj biô\u0142ô mòc<\/p>\n

Swiãtoja\u0144sczi p\u0142omi\u0144<\/p>\n

Wej swiãtoja\u0144skô noc.<\/p>\n

Urzas\u0142é Diôb\u0142ë òdskòczi\u0142ë na bòczi, przecéraj\u0105 òczë, skriwaj\u0105 sã jeden za drëd\u017cim.<\/i><\/p>\n

SKAM\u017bOCH (cëchò do Diôblina)<\/i><\/p>\n

Diôblin, cos sã w g\u00f3rze bieli.<\/p>\n

Czë to dëchë, czë Anieli?<\/p>\n

DIÔBLIN<\/p>\n

Splëni ne òkropné s\u0142owa<\/p>\n

Gdze diôb\u0142ë z anio\u0142ama?<\/p>\n

SKAM\u017bOCH<\/p>\n

Ju ze strachù ledwò stojã<\/p>\n

Diôblin! Jô sã dëch\u00f3w bòjã!<\/p>\n

Chcemë nëkac, z nama mdze biédno<\/p>\n

Jô ale miô\u0142 dëch\u00f3w strach wiedno.<\/p>\n

Czej Skam\u017coch jamrëje nad klonama Dëchë robi\u0105 „Dëchowé ewolucëje”, przë zwãkach ni to perkusëji, nié to zaczarzony Skrzëpicowi n\u00f3të.<\/i><\/p>\n

DËCHË<\/p>\n

Dali, diôb\u0142ë, na kòlana<\/p>\n

Bò dzys noc swiãtégò Jana.<\/p>\n

Diôb\u0142ë klëkaj\u0105. Wòjtk ë Barbôrka pòdch\u00f3daj\u0105 pòd drzewò.<\/i><\/p>\n

DËCHË<\/p>\n

Na kòlana, w zemia nosë<\/p>\n

Ë nie wrzeszczec w piek\u0142og\u0142osë!<\/p>\n

PÙRTK (wadzy na tëch, co jesz nie klëcz\u0105)<\/i><\/p>\n

Na kòlana, na kòlana!<\/p>\n

Rumbôj dija! Rumbôj dana!<\/p>\n

(wali jich pò \u0142epach, kùreszce s\u00f3m klëkô)<\/i><\/p>\n

Czim mò\u017cëmë s\u0142ë\u017cëc dëch\u00f3m?<\/p>\n

Nôpòkòrni, klëk\u00f3m, s\u0142ëch\u00f3m.<\/p>\n

DËCHË<\/p>\n

Rozkazëj\u0105 Biô\u0142é czarë<\/p>\n

Pùscëc Wòjtka ë Barbarã.<\/p>\n

PÙRTK (drë\u017c\u0105cym g\u0142osã)<\/i><\/p>\n

Bëlnô Barbôrkò ë Wòjteczkù<\/p>\n

Jidzta leno so dod\u00f3meczkù.<\/p>\n

Ju nie chcemë zgùbë waszi.<\/p>\n

Leno nas dëch niech nie straszi!<\/p>\n

DËCHË<\/p>\n

Hej wa Pùrtczi, Pieczelniczi<\/p>\n

Zgrzéchë, Smãtczi, Paskùdniczi<\/p>\n

Zamiast \u0142azëc so pò lese<\/p>\n

Marsz do piek\u0142a! Tam sã biesëc!<\/p>\n

DIÔB\u0141Ë<\/p>\n

Niskò dëch\u00f3m sã k\u0142\u00f3niômë<\/p>\n

W piek\u0142o zarô ùcekômë.<\/p>\n

Wëbiegiwaj\u0105, przepichaj\u0105 sã ë tr\u0105caj\u0105 – bëlë chùd\u017ci zd\u017cin\u0105c.<\/i><\/p>\n

ROCZITNIK (wëlatëje zeza drzewa)<\/i><\/p>\n

A to nam sã szpòrt ùdô\u0142<\/p>\n

Biô\u0142é czarë, biô\u0142é cuda.<\/p>\n

Krzikaj\u0105cë wëbiegô z Diôb\u0142ama.<\/p>\n

BARBÔRKA<\/p>\n

Wòjtk, Wòjtula, òs\u00f3bny<\/p>\n

WÒJTK<\/p>\n

Hej, Barbôrkò, spòsobnô.<\/p>\n

WÒJTK (wëprowôdzô skrzëpice zeza drzewa)<\/i><\/p>\n

M\u00f3sz tu Skrzëpice, m\u00f3sz të Skrzëpka<\/p>\n

Wej terô dzyrskò mò\u017cesz hòpkac!<\/p>\n

SKRZËPICE (wrëjarskò do Barbôrczi)<\/i><\/p>\n

Hej, hop! Hej, hop!<\/p>\n

Grô ë spiewô Skrzëpicoknôp!<\/p>\n

BARBÔRKA<\/p>\n

Jenkù! Graj\u0105 ë gôdaj\u0105!<\/p>\n

Brzãcz\u0105 ë zwòniaj\u0105.<\/p>\n

WÒJTK<\/p>\n

Mò\u017cesz tu\u0144cowac tak do rena<\/p>\n

Barbôrkò, jak z Pùzdrowa Léna.<\/p>\n

BARBÔRKA<\/p>\n

Cemn\u0105 noc\u0105 sob\u00f3tkòw\u0105<\/p>\n

Mògë tu\u0144czëc wiedno z tob\u0105.<\/p>\n

Jô òbiéca, tej tak b\u0105dze<\/p>\n

Nicht mie nie mdze s\u0105dzëc!<\/p>\n

Pòj, të Wòjtkù, m\u00f3j kòch\u00f3ny – <\/p>\n

Grôj, të grajkù zaczarzony!<\/p>\n

Wchôdô Roczitnica, cygnie Barbôrkã za rãkã ë pòdprowôdzô do Wòjtka.<\/i><\/p>\n

ROCZITNICA<\/p>\n

Tu je s\u0142awetnô naj Barbôrka – òst\u00f3nie.<\/p>\n

òna s\u0142awetnégò Wòjtka, wej – dost\u00f3nie.<\/p>\n

ROCZITNIK<\/p>\n

Wòjtk z Barbôrk\u0105<\/p>\n

Skrzëpice z grëp\u0105<\/p>\n

ROCZITNICA<\/p>\n

A më jak c\u00f3rk\u0105<\/p>\n

Z ùrzek\u0142\u0105 tëp\u0105!<\/p>\n

Roczitnica ë Roczitnik òdchôdaj\u0105 w las ë zeloné. Wnëkiwaj\u0105 Dzewùsë, Knôpi ë Mùzyka\u0144ce. Diôbelsczé Skrzëpice do\u0142\u0105cziwaj\u0105 do Mùzyka\u0144t\u00f3w.<\/i><\/p>\n

KNÔPI<\/p>\n

Hej sob\u00f3tka, sob\u00f3teczka,<\/p>\n

Pòj sa do mie, të dzéweczka<\/p>\n

Tej sej, të dzegùrzo, nëkôj<\/p>\n

Òd ògnia të nie ùcékôj!<\/p>\n

DZÉWCZÃTA<\/p>\n

Mô\u0142ô nocka, cemnô nocka<\/p>\n

Pôlë\u0142a sã do p\u00f3\u0142nocka<\/p>\n

Barbôrka sã nie wëspa\u0142a<\/p>\n

Bò chùsteczkã wësziwa\u0142a.<\/p>\n

KNÔPI<\/p>\n

Wësziwa\u0142a, wësziwa\u0142a<\/p>\n

Wòjtkòwi darowa\u0142a.<\/p>\n

Mô\u0142ô nocka, cemnô nocka<\/p>\n

Pôlë\u0142a sã do p\u00f3\u0142nocka<\/p>\n

WSZËTCË<\/p>\n

Hej wiecz\u00f3r kr\u00f3tczi<\/p>\n

Pôlmë sob\u00f3tczi<\/p>\n

Na Dzéwczi G\u00f3rze<\/p>\n

Niech tu\u0144czi òd\u017cin<\/p>\n

Niech parpac wschòdzy<\/p>\n

Ë dzëczé r\u00f3\u017ce!<\/p>\n

W tu\u0144cu òdchodaj\u0105 wesp\u00f3\u0142 pòchad\u0105 pôlëc sob\u00f3tkã.<\/i><\/p>\n

(Kù\u0144c)<\/b><\/p>\n","protected":false},"excerpt":{"rendered":"

Natalia Go\u0142\u0119bska<\/h2>\n

Diôbelsczé skrzëpice.<\/h1>\n

Kaszëbskô fantazëjô<\/b><\/p>\n

(Diabelskie skrzypce.
\nFantazja kaszubska)<\/b><\/p>\n

Przet\u0142omaczi\u0142 Stanis\u0142aw Janke<\/i><\/p>\n

Wydawnictwo Czec, Gda\u0144sk 2001 \u041d\u0430\u0441\u0442\u0430\u0432\u0438\u0442\u0435 \u0441\u0430 \u0447\u0438\u0442\u0430\u045a\u0435\u043c →<\/span><\/a><\/p>\n","protected":false},"author":63,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[14],"tags":[],"class_list":["post-118","post","type-post","status-publish","format-standard","hentry","category-tumaczenia--dolmaczenczi"],"_links":{"self":[{"href":"https:\/\/kaszebi.rastko.net\/index.php?rest_route=\/wp\/v2\/posts\/118","targetHints":{"allow":["GET"]}}],"collection":[{"href":"https:\/\/kaszebi.rastko.net\/index.php?rest_route=\/wp\/v2\/posts"}],"about":[{"href":"https:\/\/kaszebi.rastko.net\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/kaszebi.rastko.net\/index.php?rest_route=\/wp\/v2\/users\/63"}],"replies":[{"embeddable":true,"href":"https:\/\/kaszebi.rastko.net\/index.php?rest_route=%2Fwp%2Fv2%2Fcomments&post=118"}],"version-history":[{"count":0,"href":"https:\/\/kaszebi.rastko.net\/index.php?rest_route=\/wp\/v2\/posts\/118\/revisions"}],"wp:attachment":[{"href":"https:\/\/kaszebi.rastko.net\/index.php?rest_route=%2Fwp%2Fv2%2Fmedia&parent=118"}],"wp:term":[{"taxonomy":"category","embeddable":true,"href":"https:\/\/kaszebi.rastko.net\/index.php?rest_route=%2Fwp%2Fv2%2Fcategories&post=118"},{"taxonomy":"post_tag","embeddable":true,"href":"https:\/\/kaszebi.rastko.net\/index.php?rest_route=%2Fwp%2Fv2%2Ftags&post=118"}],"curies":[{"name":"wp","href":"https:\/\/api.w.org\/{rel}","templated":true}]}}