Dzëczé gãsë. Antologiô kaszëbsczi pòezji (do 1990 r.)

Dzëczé gãsë to òglowòtematicznô antologiô kaszëbsczi pòezji. Òbjimô cząd òd 80. lat 19. stalata pò zaczątk 90. lat 20. stalata. Òd czasu Modrej struny (1973) je pierszą tak wiôlgą tegò ôrtu antologia naji pòezji, mô 160 wiérztów 28 ùtwórców (m. jin. H. Derdowsczégò, A. Majkòwsczégò, L. Heyczi, J. Kôrnowsczégò, A. Labudë, J. Trepczika, J. Piépczi, S. Pestczi, A. Nôgla, J. Łiska, J. Walkùsza ë S. Janke).

Wiôlgą wôrtnotą Dzëczich gãsów, òkróm wëbiéru samëch wiérztów, są szerok òpisóné biogramë pòetów (m. jin. w òpisënkù ùtwórcë są wëpisóné wszëtczé jegò ksążkòwé dokôzë). Dzãka temù czëtińcama antologii mògą bëc równo lubòtniczi naji pisminiznë, szkólny kaszëbsczégò jãzëka a òbéńdowi edukacji, a téż ùcznie tich przedmiotów ë ti, co rëchtują sã na rozmajité kònkùrsë, nie le recytatorsczé, a téż ë wiedzë ò kaszëbsczi lëteraturze.

Dokôz nen je w całoscë przërëchtowóny w dzysdniowim kaszëbsczim pisënkù.