Aleksander Majkowski

KASZUBË [wëjimk]

Tu są naju chùdé piôsci

I zaspałé chójczi,

A na nich so szaré gapë

Pòwiôdają bôjci.

Òj, te gapë, szaré gapë,

Co tak cëchò sedzą,

Òne mało pòwiôdają,

A tak wiele wiedzą.

Òne wiedzą, chdze pòd górą

Ò wojnã za wiarã

Wojska żdżą, jich strzegą swiãti

Józef i Barbara.

Òne wiedzą, chdze pò górą

Zwón gbur pługem trący,

Ju pług dali jic nie bãdze,

A kóń stanie drżący.

I zwón lądem wòłac bãdze

Pò pòmòrsczim kraju,

I ricerzi stanie wòjskò

Kùli kwiatów w maju…