Marian Selin (16.05.1937)
Ùrodzył sã w Jastarni. Skùńcził Mùzyczną Szkòłã ë Chòréògraficzno-Balétową Sztudiją we Gduńskù (1966). Robił òb wiele lat w Krézowim Dodomie Kùlturë w Pùckù ë rëbacczi spódzelni we Wialdżi Wsë jakno chòreògrafòwi jinstruktora. W 60. latach aranżowôł kaszëbsczé piesnie dlô big-bitowégò karna mùzycznégò „Sami” ze Gduńska. Je kùstoszã rëbôcczi chëczë – mùzëje w centrze Jastarnie.
Jegò pòétëcczi debùt béł w 1966. rokù w cządnikù Litery wiérztã Mój bôcyk.
Òstałë wëdóné jegò zbierczi Kaszubski kwiat (pò pòlskù 1982) ë Niech wiater niese piesń (1996). Jegò wiérztë naléze w antolodżijach Wiersze proste jak życie (1966), Wybór współczesnej poezji kaszubskiej (1967), Antologia współczesnej poezji ludowej (1967), Modra struna (1973) ë razã z mùzyką we zbierkù Tobie, Boże chwała ks. J. Perszona.
Pisôł z ùdbą, żebë jegò wiérztë bëłë spiéwóné, stądka ne mają sztôłt lëdowëch piesniów. Czãsto sóm do nich pisze mùzykã. Je autorã trzëaktowégò widowiszcza Broduzë (pierszé wëkònanié: 1957). Jinszé dramë są w rãkòpisach.
Je nôleżnikã midzëwòjewódzczégò karna lëdowëch pisarzów.