Kristina Mùza (1952)
2 wiersze
(Na podstawie Modra struna, antologia poezji kaszubskiej, Gdańsk 1973 i Pomerania)
Slonô Ląka, * * * [Mëszlã i gôdóm pò kaszëbskù…]
Na Slony Lące zeleska w solniczkach
Sloné dzéwiãta z żółtëmë łzamë
Wòdnisté gróna zawiészoné na trôwie
Rëba zlizëje sól w òkù pòd słuneszkem
Kretë kùlają klumsë biôłé a strąd
Ùtoczëta sól z bëna lączi
Niech brëzgnie w zatopiony dzwón
Niech pòmión rozniese zwãk
Co ùtknie wbiti w żôdżl nieba
Rozetnie je na dwa dzéle
I zazdrzimë w miodné plôstrë ksãżëca
Mdzemë żdac jaż scekną w òdemkłé lëpë
I pòczëjemë szmak Slony Lączi.
(Modra struna)
* * *
Pieszczonô gôdka òd dzecka
Nie wëmksnie so, nie ùcecze
Gòniã jã, chwôtóm
Móm, trzimóm
dołądząc so
przëkriwóm i òdkriwóm
Nie zamiarznie!
Chòc skacy
(Pomerania)